സ്വന്തം ജീവിതം നഷ്ടപ്പെടുത്തിയാണെങ്കിലും മറ്റുള്ളവരെ പാഠം പഠിപ്പിക്കുമെന്ന ചിന്താഗതി പെൺകുട്ടികളിൽ രൂപപ്പെട്ടിട്ടുണ്ട്. ഇത് മാനസിക പ്രശ്നമായി കാണണമെന്നും അവർ പറഞ്ഞു. സ്വന്തം ജീവൻ ബലിയർപ്പിച്ചാകരുത് നിയമത്തിനും നീതിക്കും വേണ്ടിയുള്ള പോരാട്ടം എന്നും ഷാഹിദ പറയുന്നു.
സത്യസന്ധമായ പല പരാതികളും ലഭിക്കുന്നുണ്ട്. എന്നാൽ അതോടൊപ്പം വ്യാജ പരാതികളുമുണ്ട്. ഇത്തരം പരാതികൾ നിയമത്തെ ദുർബലപ്പെടുത്താൻ മാത്രമേ ഉപകരിക്കൂ എന്നും അവർ വ്യക്തമാക്കി. ഇത്തരം പരാതികൾ നൽകുന്നത് നിയമത്തെപ്പറ്റി അവബോധമുള്ള സ്ത്രീകളാണെന്നും അവർ കുറ്റപ്പെടുത്തി.
Also Read:
ആൺകുട്ടികളുടെ വിവാഹ പ്രായം 25 വയസും പെൺകുട്ടികളുടേത് 21 വയസും ആക്കണമെന്ന് ഷാഹിദ അഭിപ്രായപ്പെട്ടു. ഈ പ്രായത്തിലേ ആൺകുട്ടിക്കും പെൺകുട്ടിക്കും പക്വത വരികയുള്ളൂ എന്നും അവർ പറഞ്ഞു. സ്വയം പ്രാപ്തരാകുന്ന ഘട്ടത്തിൽ മാത്രം വിവാഹത്തെക്കുറിച്ച് ആലോചിക്കുന്നതാണ് നല്ലതെന്നും അവർ വ്യക്തമാക്കി, റിപ്പോർട്ടർ ലൈവ് റിപ്പോർട്ട് ചെയ്തു.
