തിരുവനന്തപുരം: കോൺഗ്രസിനെതിരെ അതിരൂക്ഷ വിമർശനവുമായി കേരള കോൺഗ്രസ് എം എം.എൽ.എ. ജോബ് മൈക്കിൾ. യു.ഡി.എഫ്. നേതാക്കൾ സഭയിൽ കെ.എം. മാണിയെ അപമാനിക്കുന്നെന്ന് അദ്ദേഹം പറഞ്ഞു. ജീവിച്ചിരുന്നപ്പോൾ മാണിക്ക് ശാന്തി കൊടുത്തില്ല. മരിച്ച ശേഷവും അത് തുടരുന്നെന്നും ജോബ് മൈക്കിൾ ആരോപിച്ചു.
നിയമസഭാ കയ്യാങ്കളിക്കേസുമായി ബന്ധപ്പെട്ട പ്രതിപക്ഷ ആരോപണങ്ങൾക്ക് മറുപടി പറയുകയായിരുന്നു അദ്ദേഹം. നിയമസഭയിലെ കറുത്ത വെള്ളിയാഴ്ചയ്ക്ക് ഉത്തരവാദികൾ കോൺഗ്രസും യു.ഡി.എഫുമാണ്. കറുത്ത വെള്ളിയെ വെളുത്ത വെള്ളിയാക്കാൻ എൽ.ഡി.എഫിലെത്തിയതിനാൽ കഴിഞ്ഞെന്നും ജോബ് മൈക്കിൾ കൂട്ടിച്ചേർത്തു.
കെ.എം. മാണിയെ കോൺഗ്രസ് ചതിച്ചതാണെന്നും ജോബ് മൈക്കിൾ പറഞ്ഞു. മാണിയെ ചതിച്ചത് കോൺഗ്രസ് നേതാക്കളാണ്. ചെങ്ങന്നൂർ ഉപതിരഞ്ഞെടുപ്പിന്റെ സമയത്ത് മുന്നണിയിലേക്ക് ക്ഷണിച്ച് മാണിയെ കണ്ടു. ഉമ്മൻ ചാണ്ടി അടക്കമുള്ള നേതാക്കൾ പാലായിലെത്തി കെ.എം. മാണിയെ കണ്ടെന്നും ജോബ് മെക്കിൾ പറഞ്ഞു.
content highlights:mla job michael criticises udf and congress
