നേരത്തെ രാവിലെ 11 മണിയ്ക്കായിരുന്നു ബാറുകള്‍ തുറക്കാൻ അനുമതിയുണ്ടായിരുന്നത്. പുതുക്കിയ സമയം അനുസരിച്ച് രണ്ട് മണിക്കൂര്‍ കൂടി അധികമായി ലഭിക്കും. സംസ്ഥാനത്ത് ബെവ്കോ, കൺസ്യൂമര്‍ഫെഡ് ഔട്ട്ലെറ്റുകളിലെ കനത്ത തിരക്ക് പരിഗണിച്ചാണ് പുതിയ പരിഷ്കാരം എന്നാണ് റിപ്പോര്‍ട്ടുകള്‍. ബാറുകള്‍ തുറക്കുമെങ്കിലും മദ്യം പാഴ്സലായി നല്‍കാൻ മാത്രമാണ് അനുമതിയുള്ളത്.
Also Read:
കോടതി ഉത്തരവ് പരിഗണിച്ചാണ് ബാറുകളുടെ പ്രവര്‍ത്തനസമയം മാറ്റുന്നതെന്നാണ് മന്ത്രി എം വി ഗോവിന്ദൻ കഴിഞ്ഞ ദിവസം വിശദീകരിച്ചത്. പാഴ്സൽ സംവിധാനം തുടരുമെന്നും ബാറുകളിൽ ഇരുന്നു ഭക്ഷണം കഴിക്കാൻ അനുവദിക്കില്ലെന്നും അദ്ദേഹം വ്യക്തമാക്കിയിരുന്നു. മദ്യവിൽപനശാലകളിലെ അടിസ്ഥാന സൗകര്യങ്ങള്‍ മെച്ചപ്പെടുത്തുന്ന കാര്യം പരിഗണിക്കുമെന്നും അദ്ദേഹം പറഞ്ഞു.
Also Read:
കൊവിഡ് 19 നിയന്ത്രണങ്ങളുടെ ഭാഗമായാണ് സര്‍ക്കാര്‍ മദ്യവിൽപനശാലകള്‍ തുറക്കുന്നതു നിയന്ത്രിച്ചത്. ലോക്ക് ഡൗണിനു ശേഷം മദ്യവിൽപന ശാലകള്‍ തുറക്കാൻ അനുവദിച്ചെങ്കിലും കഴിഞ്ഞ വര്‍ഷം കൊണ്ടുവന്ന ബെവ്ക്യൂ ടോക്കൺ ആപ്പ് ഒഴിവാക്കിയിരുന്നു. സാമൂഹിക അകലം ഉറപ്പുവരുത്തി മദ്യവിൽപന ശാലകള്‍ പ്രവര്‍ത്തിക്കുമെന്നായിരുന്നു ഉറപ്പെങ്കിലും സമയക്രമത്തിലെ അപാകത മൂലം പലയിടത്തും കടുത്ത തിരക്ക് അനുഭവപ്പെടുകയായിരുന്നു.
