തിരുവനന്തപുരം: സംസ്ഥാനത്ത് അഞ്ച് പേർക്കു കൂടി സിക്ക വൈറസ് സ്ഥിരീകരിച്ചതായി ആരോഗ്യ വകുപ്പ് മന്ത്രി വീണാ ജോർജ്ജ്. തിരുവനന്തപുരം പാൽക്കുളങ്ങര സ്വദേശി, പെരുന്താനി സ്വദേശിനി, ബാലരാമപുരം സ്വദേശിനി, നെടുങ്കാട് സ്വദേശിനി, എറണാകുളം വാഴക്കുളം സ്വദേശിനി, എന്നിവർക്കാണ് രോഗം ബാധിച്ചത്.
ആരോഗ്യ പ്രവർത്തകയാണ് എറണാകുളം സ്വദേശി. തിരുവനന്തപുരം മെഡിക്കൽ കോളേജിലെ വൈറോളജി ലാബ്, ആലപ്പുഴ എൻഐവി, കോയമ്പത്തൂർ മൈക്രോ ബയോളജി ലാബ് എന്നിവിടങ്ങളിൽ നടത്തിയ പരിശോധനയിലാണ് സിക്ക വൈറസ് സ്ഥിരീകരിച്ചത്.
ഇതോടെ സംസ്ഥാനത്ത് സിക്ക വൈറസ് സ്ഥിരീകരിച്ചവരുടെ എണ്ണം 35 ആയി. 11 പേരാണ് നിലവിൽ ചികിത്സയിൽ കഴിയുന്നത്. ബാക്കിയുള്ളവരുടെ പരിശോധനാ ഫലം നെഗറ്റീവായി.
