കൊച്ചി : നവാഗതനായ ശ്രീജിത്ത് എന് തിരക്കഥയെഴുതി സംവിധാനം ചെയ്യുന്ന ഒരു തെക്കൻ തല്ല് കേസിൽ ബിജു മേനോൻ നായകനായ് എത്തുന്നു. രണ്ടുതവണ സംസ്ഥാന ചലച്ചിത്ര അവാര്ഡും ദേശീയ അവാര്ഡും നേടിയ പത്മപ്രിയ നായികയായി ഒരു ഇടവേളയ്ക്ക് ശേഷം മലയാളത്തിലേക്ക് എത്തുന്നു ഔദ്യോഗിക ഫേയ്സ് ബുക്ക് പേജിലൂടെയാണ് ബിജു മേനോൻ തന്നെയാണ് വിവരങ്ങൾ പുറത്തുവിട്ടത്.
യുവ താരങ്ങളായ റോഷന് മാത്യു, നിമിഷ സജയന് എന്നിവരാണ് മറ്റ് പ്രധാന വേഷങ്ങളിൽ. ഇ ഫോർ എന്റര്ടൈന്മെന്റിന്റെ ബാനറിൽ മുകേഷ് ആര് മേത്ത സി.വി.സാരഥിയും നിര്മ്മിക്കുന്ന ചിത്രത്തിന്റെ ഛായാഗ്രഹണം മധു നീലകണ്ഠനാണ്. എഴുത്തുക്കാരനും പത്ര പ്രവർത്തകനുമായ ജി.ആര്.ഇന്ദുഗോപന്റെ ‘അമ്മിണി പിള്ള വെട്ടു കേസ് ‘ എന്ന ചെറുകഥയെ ആസ്പദമാക്കി രാജേഷ് പിന്നാടൻ തിരക്കഥ സംഭാഷണമെഴുതുന്നു.
മലയാളത്തിലെ പ്രശസ്തമായ ചലച്ചിത്ര പോസ്റ്റര് ഡിസൈന് സ്ഥാപനമായ ഓള്ഡ് മോങ്ക്സിന്റെ സാരഥിയാണ് ഈ ചിത്രത്തിന്റെ സംവിധായകനായ ശ്രീജിത്ത് എൻ. ഈ വര്ഷത്തെ ഏറ്റവും വലിയ ചിത്രങ്ങളിലൊന്നായ “ബ്രോ ഡാഡി “യുടെ സഹ എഴുത്തുക്കാരൻ കൂടിയാണ് ശ്രീജിത്ത് എൻ. സംഗീതം-ജസ്റ്റിന് വര്ഗ്ഗീസ്,എക്സിക്യൂട്ടീവ് പ്രൊഡ്യൂസർ-റോഷന് ചിറ്റൂര്. ലൈന് പ്രൊഡ്യൂസർ-ഓപ്പണ് ബുക്ക് പ്രൊഡക്ഷന്സ്.
