കോഴിക്കോട്> പ്രവാസിയെ സ്വർണ്ണക്കടത്ത് സംഘം തട്ടി കൊണ്ട് പോയതായി പരാതി. കൊയിലാണ്ടി മാതോത്ത് മീത്തൽ മമ്മദിന്റെ മകൻ അ ഷറഫ് (37) നെ കൊടുവള്ളിയിൽ നിന്നും കാറിൽ എത്തിയ സംഘം തട്ടി കൊണ്ട് പോയെന്നാണ് പരാതി.
അഷറഫ് വിദേശത്ത് നിന്നും സ്വർണ്ണം കൊണ്ട് വന്നിരുന്നുവെന്നും അത് കൊടുവള്ളിയിൽ എത്തിച്ചില്ലന്നുമുള്ള ഭീഷണി ഉയർത്തി തോക്ക് ചൂണ്ടിയാണ് അഷ്റഫിനെ കൊണ്ട് പോയതെന്ന് സഹോദരൻ സിദ്ദിഖ് കൊയിലാണ്ടി പറഞ്ഞു.
സ്വർണ്ണക്കടത്ത് കാരിയറാണ് അഷറഫ് എന്ന് പോലീസ് സംശയിക്കുന്നു. വടകര എസ് പി യുടെ നിർദ്ദേശ പ്രകാരം ഡിവൈഎസ് പി കൊയിലാണ്ടി പോലീസ് സ്റ്റേഷനിൽ എത്തി ഊർജിത അന്വേഷണം ആരംഭിച്ചു
