Argentina-Brazil: Copa America 2021 Final: Live Streaming: കോപ്പ അമേരിക്ക ഫൈനലിൽ അർജന്റീന ബ്രസീൽ പോരാട്ടത്തിനായി ഇനി മണിക്കൂറുകൾ മാത്രം. മാരക്കാന സ്റ്റേഡിയത്തിൽ ഇന്ത്യൻ സമയം ഞായറാഴ്ച പുലർച്ചെ 5.30നാണ് മെസിയും നെയ്മറും നേർക്കുനേർ വരുന്ന അർജന്റീന-ബ്രസീൽ സ്വപ്ന ഫൈനൽ.
സെമിയിൽ കൊളംബിയയെ പരാജയപ്പെടുത്തിയാണ് അര്ജന്റീനയുടെ ജയം. ഷൂട്ടൗട്ടിലായിരുന്നു അർജന്റീനയുടെ ജയം. ഏഴാം മിനുറ്റിൽ തന്നെ ലൊറ്റാര മാര്ട്ടീനസിന്റെ ഗോളിലൂടെ അർജന്റീന ലീഡ് നേടിയ മത്സരത്തിൽ 61-ാം മിനിറ്റില് ലൂയിസ് ഡയാസിലൂടെ കൊളംബിയ ഗോൾ മടക്കുകയായിരുന്നു. തുടർന്ന് സമനില മറികടക്കാനാവാത്ത മത്സരം ഷൂട്ടൗട്ടിലേക്ക് പോയി.
ഷൂട്ടൗട്ടിൽ ആദ്യ കിക്കെടുത്ത മെസിക്ക് പിഴച്ചില്ല. നാലില് മൂന്നും അര്ജന്റീന ലക്ഷ്യത്തിലെത്തിച്ചു. അഞ്ച് കിക്കില് രണ്ടെണ്ണം മാത്രമാണ് കൊളംബിയക്ക് വലയിലെത്തിക്കാനായത്. മൂന്നെണ്ണവും തടഞ്ഞ് എമിലിയാനോ മാര്ട്ടിനസ് അര്ജന്റീനയെ ഫൈനലിലേക്ക് നയിക്കുകയായിരുന്നു.
നിലവിലെ ചാമ്പ്യൻമാരായ ബ്രസീൽ സെമിയിൽ പെറുവിനെ എതിരില്ലാത്ത ഒരു ഗോളിന് തകർത്താണ് ഫൈനലിൽ പ്രവേശിച്ചത്. 35-ാം മിനിറ്റിൽ ലൂക്കാസ് പക്വേറ്റയാണ് വിജയഗോൾ നേടിയത്. ഗോളിന് വഴിയൊരുക്കിയത് നെയ്മറുടെ പാസ് ആയിരുന്നു.
നെയ്മർ പന്തിനെ തന്റെ വരുതിയില് നിര്ത്തി ബോക്സിനുള്ളിലേക്ക് കുറിയ പാസ് ചെയ്തപ്പോൾ ഓടിയെത്തിയ പക്വേറ്റയുടെ ഷോട്ട് നേരെ പെറുവിന്റെ ഗോള് വലയിലേക്കെത്തുകയായിരുന്നു.
ഇതിന് മുൻപ് ബ്രസീലും അർജന്റീനയും നേർക്ക് നേർ ഏറ്റമുട്ടിയ പ്രധാന ടൂർണമെന്റ് കഴിഞ്ഞ കോപ്പ അമേരിക്ക സെമി ഫൈനലായിരുന്നു. 2019ൽ നടന്ന മത്സരത്തിൽ ബ്രസീൽ എതിരില്ലാത്ത രണ്ട് ഗോളിന് അർജന്റീനയെ തോൽപിച്ചു. റോബർട്ടോ ഫിർമിന്യോയും ഗബ്രിയേൽ ജീസസുമായിരുന്നു ഗോൾ നേടിയത്. ഫൈനലിലെത്തിയ ബ്രസീൽ പെറുവിനെ ഒന്നിനെതിരേ മൂന്ന് ഗോളിന് തോൽപിച്ച് കഴിഞ്ഞ സീസണിലെ ജേതാക്കളാവുകയും ചെയ്തു.
Copa America 2021 Final: Argentina-Brazil: Timing: മത്സര സമയം
ഇന്ത്യൻ സമയം ഞായറാഴ്ച പുലർച്ചെ 5.30
Where to watch Argentina-Brazil Copa America 2021 Final?- കോപ്പ അമേരിക്ക 2021 ഫൈനൽ എങ്ങനെ കാണാം?
കോപ്പ അമേരിക്ക മത്സരങ്ങളുടെ തത്സമയ സംപ്രേക്ഷണം സോണി ടെന് ചാനലിലൂടെ കാണാന് സാധിക്കും.
Where to watch live streaming of Argentina-Brazil Copa America 2021 Final? കോപ്പ അമേരിക്ക ഫൈനൽ ലൈവ് സ്ട്രീമിങ് എങ്ങനെ കാണാം?
കോപ്പ അമേരിക്ക മത്സരങ്ങളുടെ ലൈവ് സ്ട്രീമിങ് സോണി ലൈവ് ആപ്പിലൂടെ കാണം.
The post Argentina-Brazil: Copa America 2021 Final: Live Streaming: കോപ്പ കിരീട പോരാട്ടത്തിനൊരുങ്ങി ചിരവൈരികൾ- മത്സരം എപ്പോൾ എവിടെ കാണാം? appeared first on Indian Express Malayalam.
