പാലക്കാട്: ജമ്മു കാശ്മീർ നിയന്ത്രണരേഖയിൽ പാക് തുഴഞ്ഞുകയറ്റം തടയുന്നതിനിടെ വീരമൃത്യു വഹിച്ച സുബേദാർ എം. ശ്രീജിത്തിന്റെ ഭൗതികശരീരം ഇന്ന് വീട്ടിലെത്തിക്കും. വൈകുന്നേരത്തോടെ വ്യോമസേനാ വിമാനത്തിൽ കോയമ്പത്തൂരിൽ എത്തിച്ചു. ഇവിടെനിന്ന് പാലക്കാട് ജില്ലാ കളക്ടർ മൃതദേഹം ഏറ്റുവാങ്ങി.
ശേഷം കുടുംബ വീടായ കൊയിലാണ്ടി പൂക്കാട് പടിഞ്ഞാറേ തറയിൽ മയൂരം വീട്ടിലേക്ക് എത്തിക്കും. രാമനാട്ടുകരയിൽ കൊയിലാണ്ടി തഹസിൽദാർ ഭൗതികശരീരം ഏറ്റുവാങ്ങും. രാത്രി 12 മണിയോടെ വീട്ടിലെത്തും.
ജില്ലാ കളക്ടർ സാംബശിവ റാവു ശ്രീജിത്തിന്റെ വീട്ടിലെത്തി അന്തിമോപചാരം അർപ്പിക്കും.
