കൊച്ചി > എറണാകുളം നെട്ടൂരിൽ ഫൈബർ വള്ളം മറിഞ്ഞ് കാണാതായ മൂന്നു പേരും മരിച്ചു. തേവര കോന്തുരുത്തി സ്വദേശി എബിൻ പോൾ, നെട്ടൂർ സ്വദേശികളായ ആദിൽ നവാസ്, സഹോദരി അഷ്ന നവാസ് എന്നിവരാണ് മരിച്ചത്. കോന്തുരുത്തി സ്വദേശി പ്രവീണിനെ നാട്ടുകാർ രക്ഷപെടുത്തി.
വൈകീട്ട് അഞ്ച് മണിയോടെയായിരുന്നു അപകടം. സുഹൃത്തിന്റെ വീട്ടിലേക്ക് പിറന്നാൾ കേക്കുമായി പോകുന്നതിനിടെയാണ് അപകടം.
