കോഴിക്കോട്: മുഖം മിനുക്കി സഞ്ചാരികളെ വരവേൽക്കാനൊരുങ്ങുന്ന കോഴിക്കോട് ബീച്ച് ഇപ്പോൾ സമൂഹ മാധ്യമങ്ങളിൽ വൈറലാണ്. ഇതിനൊപ്പം ശ്രദ്ധേയമാവുകയാണ് നമ്മുടെ കോഴിക്കോട് വീഡിയോയ്ക്ക് വേണ്ടി മാതൃഭൂമി ക്ലബ് എഫ്.എം കോഴിക്കോട് തയ്യാറാക്കിയ തീം സോങ്ങും.
തണലേകും പൂമരങ്ങളായ്ഗസൽ നിറയും പൊൻകിനാവുമായ്എന്നു തുടങ്ങുന്ന പാട്ടായിരുന്നു കോഴിക്കോട് ബീച്ചിലെ പുതിയ വീഡിയോയ്ക്കൊപ്പം എത്തിയത്. ജില്ലാ കളക്ടർ സാംബ ശിവ റാവു കഴിഞ്ഞ ദിവസം ഫെയ്സ്ബുക്കിൽ ഷെയർ ചെയ്ത വീഡിയോ നിരവധി പേരായിരുന്നു ഷെയർ ചെയ്തത്.പലരുടേയും വാട്സ് ആപ്പ് സ്റ്റാറ്റസുമായി.
കോഴിക്കോട് ക്ലബ് എഫ്.എം സൗണ്ട് എൻജിനിയറായ ജോജു സെബാസ്റ്റിയാനാണ് ഇതിന്റെ മ്യൂസിക്ക് ആൻഡ് പ്രോഗ്രാമിംഗ് ചെയ്തിരിക്കുന്നത്. പ്രവീൺ എം കുമാറിന്റേതാണ് വരികൾ. അഭിനവ് പ്രതാപ് ആണ് പാടിയിരിക്കുന്നത്.
