സംസ്ഥാനത്തെ എല്ലാ കടകളും സ്ഥാപനങ്ങളും തുറന്ന് പ്രവർത്തിക്കാൻ ആരംഭിക്കുന്നതിനൊപ്പമായിരിക്കും സർക്കാർ നിയന്ത്രണത്തിലുള്ള മദ്യശാലകൾ തുറന്ന് പ്രവർത്തിക്കുക. പാർസൽ രീതിയിൽ കള്ള് വിതരണം ചെയ്യുന്ന കാര്യം ഇപ്പോൾ ആലോനയിലില്ല. എന്നാൽ കശുമാവിൽ നിന്ന് മദ്യം ഉൽപാദിപ്പിക്കുന്ന കാര്യം സർക്കാരിൻ്റെ പരിഗണനയിലുണ്ടെന്നും മന്ത്രി വ്യക്തമാക്കി.
കശുമാവിൽ നിന്നും മദ്യം ഉൽപാദിപ്പിക്കുന്ന കാര്യം പരിഗണനയിലെത്തുന്നതോടെ കശുവണ്ടിക്ക് മാത്രമല്ല കശുമാങ്ങയ്ക്കും വില കിട്ടുന്ന സാഹചര്യമുണ്ടാകും. മൂല്യവർധിത ഉൽപ്പന്നങ്ങൾ കാർഷിക ഫലങ്ങൾ തുടങ്ങിയവയിൽ നിന്നും ഉത്പാദിപ്പിക്കുന്നത് കർഷകർക്ക് സാമ്പത്തികമായ സഹായമാകുമെന്നും കണ്ണൂർ പ്രസ് ക്ലബിൽ നടന്ന മീറ്റ് ദ പ്രസ് പരിപാടിയിൽ മന്ത്രി പറഞ്ഞു.
ശക്തമായ ലോക്ക്‌ഡൗൺ നിയന്ത്രണങ്ങൾ തുടരുന്ന കേരളത്തിൽ കൂടുതൽ ഇളവുകൾ വന്നേക്കുമെന്നാണ് റിപ്പോർട്ട്. ഇന്നു വൈകിട്ട് മുഖ്യമന്ത്രി പിണാറായി വിജയൻ്റെ അധ്യക്ഷതയിൽ ചേരുന്ന കൊവിഡ് അവലോകന യോഗത്തിനു ശേഷം ഇളവുകള്‍ പ്രഖ്യാപിച്ചേക്കുമെന്ന് വിവിധ മാധ്യമങ്ങൾ റിപ്പോർട്ട് ചെയ്‌തു. ബുധനാഴ്ചയ്ക്ക് ശേഷമായിരിക്കും ഇളവുകള്‍ നിലവിൽ വരിക. ഓട്ടോ, ടാക്സി സര്‍വീസുകള്‍ക്കും തുണിക്കടകള്‍ക്കും ചെരിപ്പുകടകള്‍ക്കും തുറക്കാൻ അനുമതി നല്‍കിയേക്കുമെന്നാണ് റിപ്പോര്‍ട്ടുകള്‍. കൂടാതെ കൂടുതൽ കെഎസ്ആര്‍ടിസി ബസുകളും സര്‍വീസ് നടത്തും.
