കൊവിൻ പോർട്ടലിൽ വിവരങ്ങൾ രജിസ്‌റ്റർ ചെയ്‌ത കഴിഞ്ഞവർക്ക് പേര്, പ്രായം എന്നിവ തിരുത്താൻ കഴിയുന്ന മാറ്റങ്ങളാണ് ഒരുക്കുന്നത്. പുതിയ മാറ്റങ്ങൾ ഉൾപ്പെടുത്താനുള്ള അപ്‌ഡേഷൻ നാളെയോടെ പൂർത്തിയായേക്കുമെന്നാണ് റിപ്പോർട്ട്.
കൊവിൻ പോർട്ടലിൽ പേരുവിവരങ്ങൾ രജിസ്‌റ്റർ ചെയ്‌തയാൾക്ക് തെറ്റുകൾ തിരുത്തി പുതിയ സർട്ടിഫിക്കറ്റ് ഡൗൺലോഡ് ചെയ്യാൻ കഴിയും. ഒരാൾക്ക് കുടുംബത്തിലെ നാല് അംഗങ്ങളെവരെ പോർട്ടൽ മുഖേനെ രജിസ്‌റ്റർ ചെയ്യാനുള്ള സാഹചര്യം തുടർന്നേക്കും. മുൻപ് രജിസ്‌റ്റർ ചെയ്‌തവരുടെ പേരുവിവരങ്ങൾ പോർട്ടലിൽ നിലനിൽക്കുകയും ചെയ്യുമെന്നാണ് അധികൃതർ വ്യക്തമാക്കുന്നത്.
കൊവിഡ് ആപ്പിൽ പുതിയ മാറ്റങ്ങളുണ്ടായാൽ പേരുവിവരങ്ങൾ നഷ്‌ടമാകുമോ എന്ന ആശങ്ക ശക്തമായതോടെയാണ് അധികൃതർ വിശദീകരണം നൽകുന്നത്. ആശങ്കപ്പെടുന്നത് പോലെയുള്ള സാഹചര്യം ഉണ്ടാകില്ലെന്നാണ് പുതിയ റിപ്പോർട്ട്. അതേസമയം, പേരുവിവരങ്ങൾ തിരുത്തി ചേർക്കാൻ അവസരം നൽകുന്നതിലൂടെ ഈ സൗകര്യം ദുരുപയോഗം ചെയ്യപ്പെടുമോ എന്ന ആശങ്കയും ശക്തമാണ്.
