തിരുവനന്തപുരം: കള്ളക്കേസിൽ കുടുങ്ങി പാർട്ടി തകർന്നു പോകുമെന്ന് വ്യാമോഹിക്കേണ്ടെന്ന് ബിജെപി നേതാവ് . നേതാക്കളേയും പാർട്ടിയേയും അപകീർത്തിപ്പെടുത്താൻ ശ്രമം നടക്കുന്നുവെന്ന് ആരോപിച്ച് ബിജെപി സംഘടിപ്പിച്ച പ്രതിഷേധ ജ്വാല ഉദ്ഘാടനം ചെയ്യുകയായിരുന്നു അദ്ദേഹം.
ബിജെപിയെ ആശയംകൊണ്ടും ആദർശംകൊണ്ടും നേരിടാനാകില്ല. കെ സുരേന്ദ്രനു പിന്നിൽ എല്ലാ പ്രവർത്തകരും പാറ പോലെ ഉറച്ചു നിൽക്കുമെന്നും ആ പാറ തകർക്കാൻ സാധിക്കില്ലെന്നും അദ്ദേഹം പറഞ്ഞു. സംസ്ഥാനത്തെ 10000 കേന്ദ്രങ്ങളിലാണ് കൊവിഡ് മാനദണ്ഡങ്ങൾ പാലിച്ച് ബിജെപി പ്രതിഷേധ ജ്വാല സംഘടിപ്പിച്ചത്. കെ സുരേന്ദ്രൻ തൃശൂരിലെ പ്രതിഷേധത്തെ ഓൺലൈനിൽ അഭിസംബോധന ചെയ്തു.
അതേസമയം, മുട്ടിൽ വനം കൊള്ള കേസിൽ സർക്കാരും സിപിഎമ്മും പ്രതിക്കൂട്ടിലായതിൽ നിന്നും ജനങ്ങളുടെ ശ്രദ്ധ തിരിച്ചുവിടുന്നതിനാണ് ബിജെപി നേതാക്കളെ കള്ളക്കേസിൽ കുടുക്കുന്നതെന്ന് കുമ്മനം കഴിഞ്ഞ ദിവസം പറഞ്ഞിരുന്നു. കൊടകര കേസിൽ പാർട്ടി നേതാക്കളെ ഓരോരുത്തരെയായി വിളിച്ചുവരുത്തി പാർട്ടിയുടെ സൽപ്പേര് നശിപ്പിക്കാനുമാണെന്നും കുമ്മനം പറഞ്ഞു. ഗവർണർ ആരിഫ് മുഹമ്മദ് ഖാന് നിവേദനം നൽകിയ ശേഷം ബുധനാഴ്ചയായിരുന്നു കുമ്മനത്തിന്റെ പ്രതികരണം.
