എട്ട് കിലോമീറ്റർ നീളവും മൂന്നര കിലോമീറ്റർ വീതിയുള്ള മണൽത്തിട്ടയാണ് കടലിൽ രൂപം കൊണ്ടിരിക്കുന്നത്. 2018ൽ ഉണ്ടായ ഓഖി ചുഴലിക്കാറ്റിന് പിന്നാലെയാണ് കടലിൽ ദ്വീപിന് സമാനമായി മണൽത്തിട്ട രൂപം കൊള്ളാൻ ആരംഭിച്ചത്.
21 അടി താഴ്‌ചയിലേക്ക് മണൽത്തിട്ട ഇറങ്ങിയതോടെയാണ് ഈ പ്രതിഭാസം മത്സ്യത്തൊഴിലാളികൾ അടക്കമുള്ളവരുടെ ശ്രദ്ധയിൽപ്പെട്ടത്. ഇത്തരത്തിൽ തുരുത്ത് ഉയർന്നുവരുകയും പിന്നീട് അവ വെള്ളത്താൽ മുങ്ങിപ്പോകുന്നത് പതിവാണെന്നും എന്നാൽ എവിടെ മറിച്ചാണ് സംഭവിച്ചിരിക്കുന്നതെന്ന് മത്സ്യത്തൊഴിലാളികൾ വ്യക്തമാക്കുന്നുണ്ട്.
കടലിൽ മണൽത്തിട്ട രൂപം കൊണ്ട സാഹചര്യത്തിൽ കേരള ഫിഷറീസ് സമുദ്രപഠന സർവകലാശാല പരിശോധന ആരംഭിച്ചു. മണലിൻ്റെ സാംപിൾ ശേഖരിച്ചാണ് പഠനം നടത്തുന്നത്. മണൽ നിക്ഷേപം ദ്വീപായി രൂപാന്തരപ്പെടുന്നതിൻ്റെ സാധ്യതകൾ പഠിച്ച് ഒരു മാസത്തിനകം റിപ്പോർട്ട് ഫിഷറീസ് വകുപ്പിന് നൽകും. കടലേറ്റം രൂക്ഷമായതിനിടെ ചെല്ലാനത്ത് നിന്ന് നീങ്ങിയ മണ്ണാണ് ദ്വീപിന് സമാനമായി രൂപപ്പെട്ടിരിക്കുന്ന വാദവുമായി ജനങ്ങളും രംഗത്തെത്തി.
