ബിജെപി ജില്ലാ കമ്മിറ്റി പിരിച്ചുവിടണമെന്ന് ഋഷി പൽപ്പു ഫേസ്ബുക്കിലൂടെ ആവശ്യപ്പെട്ടിരുന്നു. ഇതിനു പിന്നാലെയാണ് കെ ആർ ഹരി ഭീഷണിപ്പെടുത്തിയതെന്ന് പരാതിയിൽ പറയുന്നു. എന്നാൽ പാർട്ടിയിൽ നിന്നും പുറത്താക്കിയതിന്റെ പ്രതികാരമാണ് പരാതിക്കു പിന്നിലെന്ന് ബിജെപി ജില്ലാ നേതൃത്വം ആരോപിക്കുന്നു.
കുൽപ്പണ കേസിലും കത്തിക്കുത്ത് കേസിലും നാണംകെട്ട ബിജെപി ജില്ലാ കമ്മിറ്റി പിരിച്ചുവിടണമെന്നാണ് ഋഷി ആവശ്യപ്പെട്ടത്. ആറ് വർഷത്തേക്കാണ് ഋഷി പൽപ്പുവിനെ ബിജെപിയിൽ നിന്നും പുറത്താക്കിയിരിക്കുന്നത്.
സംസ്ഥാന അധ്യക്ഷൻ ഫോണിലൂടെ വിളിച്ചാണ് പുറത്താക്കിയ വിവരം അറിയിച്ചതെന്ന് ഋഷി പറഞ്ഞു. നിങ്ങൾ ഫേസ്ബുക്കിൽ പോസ്റ്റ് ഇട്ടിരുന്നോ എന്ന് അധ്യക്ഷൻ ചോദിച്ചു. ഇട്ടു എന്ന് താൻ പറഞ്ഞു. നിങ്ങളെ ചുമതലയിൽ നിന്നും നീക്കുകയാണെന്ന് അദ്ദേഹം പറഞ്ഞു. തനിക്ക് നോട്ടീസ് തരികയോ വിശദീകരണം ചോദിക്കുകയോ ചെയ്തില്ലെന്നും അദ്ദേഹം വ്യക്തമാക്കി.
