തിരുവനന്തപുരം: ചാല മാർക്കറ്റിൽ വൻ തീപിടിത്തം.ചാല മാർക്കറ്റിലുള്ളകളിപ്പാട്ടങ്ങളുടെ മൊത്തവിതരണകടയിലാണ് തീപ്പിടിത്തമുണ്ടാത്.
ലോക്ക്ഡൗൺ ഇളവിനെ തുടർന്ന് ഇന്ന് രാവിലെ മുതൽ മാർക്കറ്റിലെ കടകളൊക്കെ ഇന്ന് രാവിലെ മുതൽ തുറന്ന് പ്രവർത്തിച്ചിരുന്നു.എന്നാൽ തീപ്പിടിത്തമുണ്ടായ കട തുറന്നിരുന്നില്ലെന്നാണ് പ്രദേശവാസികൾ പറയുന്നത്. തൊട്ടടുത്തുള്ള കെട്ടിടത്തിലേക്കും തീ പടരാനുള്ള സാധ്യത തടഞ്ഞിട്ടുണ്ടെന്നാണ് വിവരം.
ഫയർ ഫോഴ്സിന്റെ വിവിധ യൂണിറ്റുകളെത്തി തീ അണയ്ക്കാനുള്ള ശ്രമങ്ങൾ നടത്തി വരികയാണ്.
ഗാന്ധി പാർക്കിന് പിൻവശത്ത് ചാലമാർക്കറ്റിലേക്ക് പ്രവേശിക്കുന്നിടത്തുള്ള മഹാദേവ് ടോയ്സ് സെന്ററെന്ന കടയുടെ ഏറ്റവും മുകളിലത്തെ നിലയിലാണ്. തീപ്പിടിത്തമുണ്ടായിട്ടുള്ളത്.തിരുവനന്തപുരം മേയറടക്കം സംഭവ സ്ഥലത്ത് എത്തിയിട്ടുണ്ട്.കെട്ടിടത്തിൽ ആളുകൾ കുടുങ്ങി കിടക്കുന്നതായി റിപ്പോർട്ടില്ല.
