അങ്കമാലി: ലോക്ക്ഡൗൺ ലംഘിച്ച് പള്ളിയിൽ ചടങ്ങു നടത്തിയ പള്ളി വികാരി അറസ്റ്റിൽ. അങ്കമാലി പൂവത്തുശേരി പള്ളി വികാരി ഫാ. ജോസഫ് പാലാമറ്റത്തെയാണ് പോലീസ് അറസ്റ്റ് ചെയ്തത്. ലോക്ക് ഡൗൺ ലംഘിച്ച് ആദ്യകുര്‍ബാന ചടങ്ങ് നടത്തിയതിനാണ് വൈദികനെ അറസ്റ്റ് ചെയ്തതെന്നാണ് മനോരമ ന്യൂസ് റിപ്പോര്‍ട്ട്.
Also Read:
പൂവത്തുശേരി സെൻ്റ് ജോസഫ് പള്ളിയിൽ ഇന്നു രാവിലെയായിരുന്നു ആദ്യകുര്‍ബാന നടന്നത്. വൈദികനെ അറസ്റ്റ് ചെയ്ത് സ്റ്റേഷനിലെത്തിച്ച ശേഷം പിഴയടപ്പിച്ചെന്നും പിന്നീട് ജാമ്യത്തിൽ വിടുകയായിരുന്നുവെന്നുമാണ് റിപ്പോര്‍ട്ട്.
Also Read:
കൊവിഡ് 19 രണ്ടാം തരംഗം ശക്തമായതിനു പിന്നാലെയായിരുന്നു സംസ്ഥാന സര്‍ക്കാര്‍ ലോക്ക് ഡൗൺ പ്രഖ്യാപിച്ചത്. ആള്‍ക്കൂട്ടങ്ങള്‍ ഒഴിവാക്കാനുള്ള നടപടികളുടെ ഭാഗമായി സര്‍ക്കാര്‍ ആരാധനാലയങ്ങള്‍ അടച്ചിടാൻ നിര്‍ദേശിച്ചിരുന്നു. ആരാധനാലയങ്ങളിൽ ആളുകളെ പ്രവേശിപ്പിക്കരുതെന്നായിരുന്നു സര്‍ക്കാര്‍ ഉത്തരവിൽ വ്യക്തമാക്കിയത്. നിയന്ത്രണങ്ങള്‍ ലംഘിക്കുന്നവര്‍ക്കെതിരെ നിയമനടപടിയുണ്ടാകുമെന്നും വ്യക്തമാക്കിയിരുന്നു.
