പാലക്കാട്: കവിയും ഗാനരചയിതാവുമായ വയലാര്‍ രാമവര്‍മയുടെ ഇളയമകള്‍ സിന്ധു (54) കൊവിഡ് 19 ബാധിച്ചു മരിച്ചു. കടുത്ത ശ്വാസതടസ്സത്തെ തുടര്‍ന്ന് സിന്ധുവിനെ ഇന്നലെ രാത്രി പാലക്കാട്ടെ സ്വകാര്യ ആശുപത്രിയിലേയ്ക്ക് മാറ്റുകയായിരുന്നു.
Also Read:
ദീര്‍ഘകാലമായി കാൻസര്‍ രോഗത്തിനു ചികിത്സയിലായിരുന്നു സിന്ധു. ചാലക്കുടിയിലാണ് താമസമെങ്കിലും ചികിത്സാ ആവശ്യങ്ങളുമായി ബന്ധപ്പെട്ടാണ് സിന്ധു ഒരാഴ്ച മുൻപ് പാലക്കാട്ടെത്തിയത്. ആരോഗ്യനില മെച്ചപ്പെട്ടതിനെ തുടര്‍ന്ന് ആശുപത്രി വിട്ടെങ്കിലും പാലക്കാട് താമസിക്കുന്ന സഹോദരി ഇന്ദുലേഖയുടെ വീട്ടിലേയ്ക്ക് മാറുകയായിരുന്നു. രാത്രിയിൽ പെട്ടെന്നു ശ്വാസതടസ്സം അനുഭവപ്പെട്ടതിനെ തുടര്‍ന്ന് ഉടൻ ആശുപത്രിയിലെത്തിച്ചെങ്കിലും മരിച്ചെന്നാണ് ഏഷ്യാനെറ്റ് ന്യൂസ് റിപ്പോര്‍ട്ട്. മരണശേഷം നടന്ന പരിശോധനയിലാണ് കൊവിഡ് 19 സ്ഥിരീകരിച്ചതെന്നാണ് മാതൃഭൂമി റിപ്പോര്‍ട്ട്.
Also Read:
ചാലക്കുടി ലായത്തിൽ മഠം കൃഷ്ണകുമാറാണ് ഭര്‍ത്താവ്. മകള്‍ മീനാക്ഷി ഗവേഷണ വിദ്യാര്‍ഥി. മൃതദേഹം കൊവിഡ് 19 പ്രോട്ടോകോള്‍ പാലിച്ച് പാലക്കാട് സംസ്കരിക്കും.
