ഹരിപ്പാട്> ദേശീയപാത നങ്ങ്യാർകുളങ്ങരയിൽ കാറും ലോറിയും കൂട്ടിയിടിച്ച് ഒരു കുട്ടിയടക്കം നാല് പേർ മരിച്ചു.മരിച്ച നാലുപേരും കാർ യാത്രക്കാരാണ്.
കായംകളും സ്വദേശികളായ സെമീന മൻസിലിൽ റിയാസ് (27), ഐഷ ഫാത്തിമ (25), ബിലാൽ(5) , ഉണ്ണിക്കുട്ടൻ (20) എന്നിവരാണ് മരിച്ചത്. പരിക്കേറ്റ അജ്മി(23), അൻഷാദ്(27) എന്നിവരെ വണ്ടാനം മെഡിക്കൽകോളേജ് ആശുപത്രിയിൽ പ്രവേശിപ്പിച്ചു.
ദേശീയപാതയിൽ പുലർച്ചെയാണ് അപകടമുണ്ടായത്. കായംകുളത്ത്നിന്ന് എറണാകുളത്തേക്ക് പോയ ഇന്നോവകാറാണ് അപകടത്തിൽ പെട്ടത്. പരിക്കേറ്റവരുടെ നില ഗുരുതരമാണ്. ഫയർഫോഴ്സ് എത്തി കാർ വെട്ടിപൊളിച്ചാണ് യാത്രക്കാരെ പുറത്തെടുത്തത്.
