ഒറ്റത്തവണയായിട്ടാകും കുട്ടികള്ക്ക് ഇത്രയും തുക നൽകുക. 18 വയസുവരെ 2000 രൂപ മാസംതോറും നല്കും. ബിരുദതലം വരെയുള്ള വിദ്യാഭ്യാസച്ചെലവ് സര്ക്കാര് ഏറ്റെടുക്കാനും തീരുമാനിച്ചതായും മുഖ്യമന്ത്രി പറഞ്ഞു.
രണ്ടാമത്തെ കൊവിഡ് തരംഗം ഉച്ചസ്ഥായിയില് എത്തി. രോഗവ്യാപനം കുറയാന് തുടങ്ങിയിട്ട് രണ്ടാഴ്ചയായിട്ടും. ആയിട്ടും മരണസംഖ്യ കുറയാത്തത് സമൂഹത്തില് ആശങ്കയ്ക്ക് ഇടയാക്കുന്നുണ്ട്. രോഗികളുടെ എണ്ണം പരമാവധിയിലെത്തിയ ഘട്ടത്തില് രോഗബാധിതരായവര്ക്കിടയില് ആരോഗ്യസ്ഥിതി ഗുരുതരമാവുകയും മരണങ്ങള് ഉണ്ടാവുകയും ചെയ്യുന്നത് ഇപ്പോഴായതിനാലാണ് മരണസംഖ്യ ഉയരുന്നത്. മരണസംഖ്യയില് കാര്യമായ കുറവുണ്ടാകാന് നാലാഴ്ച വരെ സമയമെടുക്കുമെന്നാണ് വിദഗ്ധര് അഭിപ്രായപ്പെടുന്നതെന്നും മുഖ്യമന്ത്രി വ്യക്തമാക്കി.
രോഗ വ്യാപനത്തിന്റെ വേഗം പിടിച്ചുനിര്ത്തി ആരോഗ്യ സംവിധാനത്തിൻ്റെ പരിധിക്ക് താഴെ നിര്ത്തുക എന്ന നയമാണ് നാം തുടക്കം മുതല് സ്വീകരിച്ചിട്ടുള്ളത്. അതുകൊണ്ട് മറ്റു പ്രദേശങ്ങളേക്കാള് നീണ്ടു നില്ക്കുന്ന രോഗവ്യാപനത്തില് അധികമായി ആശങ്ക ഉണ്ടാകേണ്ടതില്ല. ആളുകളുടെ ജീവന് സംരക്ഷിക്കുക എന്ന പ്രാഥമിക ഉത്തരവാദിത്തം ഏറ്റവും നന്നായി നിര്വഹിക്കുക എന്നതിന് പ്രാധാന്യം നല്കിയേ തീരൂ ആരോഗ്യവകുപ്പ് പുറത്തിറക്കിയ വാർത്താക്കുറിപ്പിൽ വ്യക്തമാക്കി.
