മുംബൈ ഇന്ത്യൻസിനു വേണ്ടിയുള്ള മികച്ച പ്രകടനത്തിലൂടെ ശ്രദ്ധേയനായ ബാറ്റ്സ്മാൻ സൂര്യകുമാർ യാദവ് അടുത്തിടെ നടന്ന ഇംഗ്ലണ്ടിനെതിരായ പരമ്പരയിലാണ് അന്താരാഷ്ട്ര അരങ്ങേറ്റം കുറിച്ചത്. തന്റെ അന്താരാഷ്ട്ര അരങ്ങേറ്റ മത്സരദിനത്തെക്കുറിച്ചുള്ള ചില ഓർമകൾ പങ്കുവയ്ക്കുകയാണ് താരം ഇപ്പോൾ.
സുപ്രധാനമായ ആ ദിവസത്തിൽ പരിഭ്രാന്തനായിരുന്നെങ്കിലും സ്വയം ഒരു ലളിതമായ ഉപദേശം നൽകി താൻ ശാന്തനാവുകയായിരുന്നെന്ന് സൂര്യകുമാർ യാദവ് പറഞ്ഞു. “നിങ്ങൾ എന്താണോ അത് ആയിരിക്കുക,” എന്നാണ് താൻ സ്വയം ഉപദേശിച്ചതെന്ന് സൂര്യകുമാർ പറഞ്ഞു.
അരങ്ങേറ്റ മത്സരത്തിൽ സൂര്യകുമാർ യാദവ് ബാറ്റ് ചെയ്തിരുന്നില്. തുടർന്ന് യാദവ് അഹമ്മദാബാദിൽ നടന്ന തന്റെ രണ്ടാം ടി 20 മത്സരത്തിൽ 57 റൺസ് നേടി.
“നിങ്ങൾ കൃത്യമായി കണ്ടിട്ടുണ്ടാവാം, ആ സമയത്ത് ഞാൻ വളരെ ആവേശത്തിലായിരുന്നു. കൂടാതെ, രോഹിത് (ശർമ്മ) പുറത്തായതിന് ശേഷം ആ സമയത്ത് ഞാൻ സന്തുഷ്ടനായിരുന്നില്ല. എന്നാൽ ഞാൻ ബാറ്റ് ചെയ്യാൻ പോകുമ്പോൾ ഞാൻ ഓടുകയായിരുന്നു. അതിനാൽ ഞാൻ എത്രമാത്രം ആവേശത്തിലാണെന്ന് അത് കാണിക്കുന്നു,” മുംബൈ ഇന്ത്യൻസ് അവരുടെ ഔദ്യോഗിക ട്വിറ്റർ ഹാൻഡിൽ പോസ്റ്റ് ചെയ്ത ഒരു വീഡിയോയിൽ 30 കാരനായ താരം പറഞ്ഞു .
Read More: യുവതാരങ്ങൾക്ക് സ്പാർക്കില്ലെന്ന ധോണിയുടെ പരാമർശത്തിൽ വെളിപ്പെടുത്തലുമായി എൻ.ജഗദീശൻ
“ഞാൻ പാഡ് കെട്ടി വരുമ്പോൾ, ഞാൻ അസ്വസ്ഥനായിരുന്നു. അത് അങ്ങനെയായിരിക്കണം, നിങ്ങൾ പരിഭ്രാന്തരാകുന്നില്ലെങ്കിൽ, നിങ്ങൾ എങ്ങനെ പ്രകടനം നടത്തും,” അദ്ദേഹം പറഞ്ഞു.
“ഞാൻ അകത്തേക്ക് പോകുമ്പോൾ എല്ലാം എന്റെ മനസ്സിൽ ഓടാൻ തുടങ്ങി, ഞാൻ മൂന്നാമനായി ബാറ്റ് ചെയ്യുമ്പോൾ ഞാൻ എന്തു ചെയ്യും. ‘വ്യത്യസ്തമായി ഒന്നും ചെയ്യരുത്, അതേ കാര്യം ചെയ്യുക, നിങ്ങളായിരിക്കുക, അതാണ്’ എന്ന് ഞാൻ സ്വയം പറഞ്ഞപ്പോൾ എനിക്ക് ഉത്തരം ലഭിച്ചു,” വലംകൈയ്യൻ ബാറ്റ്സ്മാൻ വിശദീകരിച്ചു.
ഇംഗ്ലീഷ് പേസർ ജോഫ്ര ആർച്ചറിന്റെ പന്തിൽ ഒരു സ്കൂപ്പ് ഷോട്ട് അടിച്ചാണ് ഷോട്ടാണ് യാദവ് അന്ന് ആരംഭിച്ചത്.
“… ആളുകൾ സിക്‌സറിനെക്കുറിച്ച് സംസാരിക്കുന്നു, ഇന്ത്യയിൽ അരങ്ങേറ്റം കുറിച്ചതിനുശേഷം ആദ്യ പന്തിൽ നിങ്ങൾക്ക് എന്താവും തോന്നുക? അൽപ്പം ശാന്തനായിരിക്കേണ്ടത് അത്യാവശ്യമായിരുന്നു.കൂടാതെ ആർച്ചർ ഐ‌പി‌എല്ലിൽ എന്താണ് ചെയ്യുന്നതെന്ന് എനിക്കറിയാം, അദ്ദേഹം എങ്ങനെ പോരാടുന്നുവെന്നും.”
“അതിനാൽ, മനസ്സിന്റെ ഉള്ളിൽ അദ്ദേഹം (ആർച്ചർ) ആ പന്ത് എങ്ങനെ എറിയുമെന്ന ചിന്ത ഉണ്ടായിരുന്നു. ഒപ്പെ അതേ രീതിയിൽ എറിഞ്ഞതും നല്ലതായി,” യാദവ് കൂട്ടിച്ചേർത്തു.
ഇപ്പോൾ മൂന്ന് അന്താരാഷ്ട്ര ടി 20 ഗെയിമുകളാണ് യാദവ് ആകെ കളിച്ചത്. 77 ഫസ്റ്റ് ക്ലാസ് ഗെയിമുകളാണ് താരം ആകെ കളിച്ചത്.
The post ആദ്യം പരിഭ്രമിച്ചു; പിന്നെ ഈ ഉപദേശം തുണയായി: ഇംഗ്ലണ്ടിനെതിരായ മത്സരത്തെക്കുറിച്ച് സൂര്യകുമാർ appeared first on Indian Express Malayalam.
