തിരുവനന്തപുരം: മുഖ്യമന്ത്രിയുടെ പേഴ്സണൽ സ്റ്റാഫ് അംഗങ്ങളെ നിയമിച്ച് ഉത്തരവിറങ്ങി. സിഎം രവീന്ദ്രൻ മുഖ്യമന്ത്രിയുടെ പേഴ്സണൽ സ്റ്റാഫിൽ തുടരും. സിഎം രവീന്ദ്രൻ കൂടാതെ പി ഗോപൻ, ദിനേശ് ഭാസ്കർ എന്നിവരാണ് അഡീഷ്ണൽ പ്രൈവറ്റ് സെക്രട്ടറിമാർ.
ഒന്നാം പിണറായി സർക്കാരിൽ മാധ്യമ വിഭാഗം ഉപദേഷ്ടാവായിരുന്ന എൻ പ്രഭാവർമ്മയാണ് മീഡിയാ വിഭാഗം സെക്രട്ടറി. പിഎം മനോജ് പ്രസ് സെക്രട്ടറി സ്ഥാനത്ത് തുടരും. കെഎം അബ്രഹാമാണ് പുതിയ ചീഫ് പ്രിൻസിപ്പൽ സെക്രട്ടറി. അഡ്വ എ രാജശേഖരൻ നായർ സ്പെഷ്യൽ പ്രൈവറ്റ് സെക്രട്ടറിയാണ്. എംസി ദത്തനെ സയൻസ് സെന്റർ മെന്റർ സ്ഥാനത്ത് നിലനിർത്തി.
എ സതീഷ് കുമാർ, സാമുവൽ ഫിലിപ്പ് എന്നിവർ അസിസ്റ്റന്റ് പ്രൈവറ്റ് സെക്രട്ടറിമാരാണ്. വിഎം സുനീഷാണ് പേഴ്സണൽ അസിസ്റ്റന്റ്. ജികെ ബാലാജി അഡീഷ്ണൽ പിഎയാണ്. മുൻ സംസ്ഥാന കമ്മിറ്റി അംഗവും രാജ്യസഭാ എംപിയുമായ കെകെ രാഗേഷിനെ നേരത്തെ മുഖ്യമന്ത്രിയുടെ പ്രൈവറ്റ് സെക്രട്ടറിയായി നിയമിച്ചിരുന്നു. പുത്തലത്ത് ദിനേശൻ പൊളിറ്റിക്കൽ സെക്രട്ടറിയായി തുടരും.
