മുഖ്യമന്ത്രിക്ക് പിന്നാലെ ഘടകകക്ഷി നേതാക്കളായിരുന്നു സത്യവാചകം ചൊല്ലി അധികാരമേറ്റത്. ഇതിനെ പിന്നാലെ അക്ഷരമാല ക്രമത്തിൽ ഓരോ അംഗങ്ങൾക്കും ഗവർണർ സത്യവാചകം ചൊല്ലിക്കൊടുത്തു.
Also Read :
ഘടകകക്ഷികളിൽ സിപിഐയുടെ കെ രാജനും എൻസിപിയുടെ എകെ ശശീന്ദ്രനും മാത്രമാണ് സഗൗരവം സത്യപ്രതിജ്ഞ ചെയ്തത്. മറ്റു ഘടകക്ഷി നേതാക്കളായ റോഷി അഗസ്റ്റിന്‍, കെ. കൃഷ്ണന്‍കുട്ടി, ആന്‍റണി രാജു എന്നിവർ ദൈവനാമത്തിലാണ് സത്യപ്രതിജ്ഞ ചെയ്തത്. ഇവരോടൊപ്പം സിപിഎം അംഗമായ വീണ ജോർജും ഇടതു സ്വതന്ത്രൻ വി അബ്ദുറഹ്മാനും ദൈവനാമത്തില്‍ തന്നെയാണ് സത്യപ്രതിജ്ഞ ചെയ്തത്. ഐഎൻഎൽ അംഗം അഹമ്മദ് ദേവർകോവിൽ സത്യപ്രതിജ്ഞ ചെയ്തത് അള്ളാഹുവിന്‍റെ നാമത്തിലാണ്.
തിരുവനന്തപുരം സെൻട്രൽ സ്റ്റേഡിയത്തിൽ കൊവിഡ് പ്രോട്ടോക്കോൾ പാലിച്ചായിരുന്നു സത്യപ്രതിജ്ഞ ചടങ്ങുകൾ നടന്നത്. മുഖ്യമന്ത്രിക്ക് പിന്നാലെ കെ രാജന്‍, റോഷി അഗസ്റ്റിന്‍, കെ കൃഷ്ണന്‍കുട്ടി, എ കെ ശശീന്ദ്രന്‍, അഹമ്മദ് ദേവര്‍കോവില്‍, ആന്‍റണി രാജു, വി അബ്ദുറഹിമാന്‍, ജി ആര്‍ അനില്‍, കെ എന്‍ ബാലഗോപാല്‍, ആര്‍ ബിന്ദു, ജെ ചിഞ്ചുറാണി, എം വി ഗോവിന്ദന്‍, പി എ മുഹമ്മദ് റിയാസ്, പി പ്രസാദ്, കെ രാധാകൃഷ്ണന്‍, പി രാജീവ്, സജി ചെറിയാന്‍, വി ശിവന്‍കുട്ടി, വി എന്‍ വാസവന്‍, വീണാ ജോര്‍ജ് എന്നീ ക്രമത്തിലായിരുന്നു സത്യപ്രതിജ്ഞ.
