“എൻ്റെ പ്രിയ സഖാവ് പിണറായി വിജയൻ ഇന്ന് കേരളത്തിൻ്റെ മുഖ്യമന്ത്രിയായി രണ്ടാമതും സത്യപ്രതിജ്ഞ ചെയ്യുകയാണ്. അദ്ദേഹവുമായി ഫോണിൽ സംസാരിക്കുകയും ആശംസകൾ നേരുകയും ചെയ്‌തു. വരുന്ന അഞ്ച് വർഷം കേരളം കൂടുതൽ കരുത്തോടെ തിളങ്ങട്ടെ. സത്യസന്ധവും പ്രാപ്‌തിയുള്ളതുമായ ഭരണത്തിലൂടെ ഏതൊരു പ്രതിബന്ധത്തെയും തരണം ചെയ്യാൻ കഴിയുമെന്ന് തെളിയിക്കുന്ന മുൻഗാമിയും വഴികാട്ടിയുമാണ് അദ്ദേഹം” – എന്നും ഫേസ്ബുക്ക് പോസ്‌റ്റിലൂടെ കമൽഹാസൻ പറഞ്ഞു.
കേരള ചരിത്രത്തിൽ ആദ്യമായി തുടർഭരണം സ്വന്തമാക്കിയാണ് പിണറായി വിജയൻ സർക്കാർ അധികാരത്തിലെത്തുന്നത്. തിരുവനന്തപുരം സെൻട്രൽ സ്‌റ്റേഡിയത്തിലാണ് ചടങ്ങുകൾ നടന്നത്. പുതുമുഖങ്ങളെ അണിനിരത്തിയുള്ള മന്ത്രിസഭയാണ് സംസ്ഥാനത്തേത്.
കൊവിഡ്-19 മാർഗനിർദേശങ്ങൾ നിലനിൽക്കുന്നതിനാൽ പ്രതിപക്ഷ നേതാക്കൾ അടക്കമുള്ളവർ വീട്ടിലിരുന്നാണ് സത്യപ്രതിജ്ഞ ചടങ്ങ് കണ്ടത്. അധികാരമേല്‍ക്കുന്ന പിണറായി വിജയന് ആശംസകളുമായി കോൺഗ്രസ് നേതാവ് രമേശ് ചെന്നിത്തല. പിണറായി വിജയനെ ഫോണിൽ വിളിച്ച് ആശംസകൾ നേർന്നിരുന്നു. പ്രതിപക്ഷം സത്യപ്രതിജ്ഞാ ചടങ്ങ് ബഹിഷ്കരിക്കുന്നില്ലെന്നും അദ്ദേഹം വ്യക്തമാക്കി ഫേസ്ബുക്ക് പോസ്റ്റിലൂടെയാണ് കഴിഞ്ഞ സഭയിലെ പ്രതിപക്ഷ നേതാവ് ഇക്കാര്യം അറിയിച്ചത്.
സത്യപ്രതിജ്ഞ ചടങ്ങ് പ്രതിപക്ഷം ബഹിഷ്‌ക്കരിക്കുന്നില്ല. കൊവിഡ് വ്യാപനം അപകടകരമായ രീതിയിൽ തുടരുന്നതിനാൽ സെൻട്രൽ സ്റ്റേഡിയത്തിലെ സത്യപ്രതിജ്ഞ ചടങ്ങിൽ നേരിട്ട് പങ്കെടുക്കുന്നില്ല. കേരളത്തിലെ സാധാരണ ജനങ്ങളോടൊപ്പം ഓൺലൈനിൽ ചടങ്ങ് കാണുമെന്നും രമേശ് ചെന്നിത്തല പറഞ്ഞു. ഒരു മന്ത്രിക്കൊപ്പം പരാമാവധി അഞ്ച് പേർക്കാണ് ചടങ്ങ് നടക്കുന്ന വേദിയിലേക്ക് പ്രവേശനം അനുവദിച്ചിരുന്നത്.
