ഹൈക്കോടതി ചീഫ് ജസ്റ്റിസിനും സീനിയര് ജഡ്ജിക്കുമാണ് പരാതി നൽകിയിരിക്കുന്നതെന്നാണ് റിപ്പോർട്ട് പറയുന്നത്. വ്യാഴാഴ്ച പകൽ 3.30ന് തിരുവനന്തപുരം സെൻട്രൽ സ്റ്റേഡിയത്തിലാണ് രണ്ടാം പിണറായി സർക്കാരിന്റെ സത്യപ്രതിജ്ഞാ ചടങ്ങുകൾ നിശ്ചയിച്ചിരിക്കുന്നത്. പരമാവധി 500 പേരാകും ചടങ്ങിൽ പങ്കെടുക്കുക എന്നാണ് മുഖ്യമന്ത്രി കഴിഞ്ഞദിവസം പറഞ്ഞത്.
ഇതേ സാഹചര്യത്തിൽ തന്നെയാണ് ചടങ്ങിനെതിരെ പരാതിയും ഉയർന്നിരിക്കുന്നത്. ട്രിപ്പിള് ലോക് ഡൗണ് നിലവിലുള്ള തലസ്ഥാനത്ത് സത്യപ്രതിജ്ഞാ ചടങ്ങ് നടത്തുന്നത് നിയമലംഘനമാണ്, ചടങ്ങ് രാജ്ഭവനിൽ നടത്താൻ നിർദ്ദേശം നൽകണം, കോടതി സ്വമേധയാ കേസെടുക്കണം എന്നീ ആവശ്യങ്ങളാണ് പരാതിയിലുള്ളതെന്നാണ് റിപ്പോർട്ട്.
അതേസമയം കൊവിഡ് 19 വ്യാപന പശ്ചാത്തലത്തില് ചടങ്ങിലേക്ക്, ക്ഷണിക്കപ്പെട്ട അതിഥികള്ക്ക് മാത്രമായിരിക്കും പ്രവേശനമെന്നാണ് മുഖ്യമന്ത്രി ഇന്നലെ പറഞ്ഞത്. പങ്കെടുക്കുന്നവര് ഉച്ചയ്ക്ക് 2.45ന് മുമ്പായി സ്റ്റേഡിയത്തില് എത്തണം. 48 മണിക്കൂറിനകം എടുത്തിട്ടുള്ള ആര്ടിപിസിആര്, ട്രൂനാറ്റ്, ആര്ടി ലാമ്പ് നെഗറ്റീവ് റിസള്ട്ടോ, ആന്റിജന് നെഗറ്റീവ്/ രണ്ട് ഡോസ് കോവിഡ് വാക്സിനേഷന് സര്ട്ടിഫിക്കറ്റോ കൈവശം വെക്കണം തുടങ്ങിയ നിബന്ധനകളുണ്ടെന്നും മുഖ്യമന്ത്രി അറിയിച്ചിരുന്നു.
Also Read :
പാര്ലമെന്ററി പാര്ടി യോഗമാണ് സത്യപ്രതിജ്ഞ ചെയ്യേണ്ടത് ആരൊക്കെയെന്ന് നിശ്ചയിക്കുന്നത്. ആ പാര്ലമെന്ററി പാര്ടി അംഗങ്ങളെ (എംഎല്എമാരെ) ഒഴിവാക്കുന്നത് ജനാധിപത്യത്തില് ഉചിതമല്ലെന്നായിരുന്നു മുഖ്യമന്ത്രി വാർത്താ സമ്മേളനത്തിൽ പറഞ്ഞിരുന്നത്.
