Also Read :
18 മുതൽ 44 വയസ് വരെയുള്ളവരിൽ ഗുരുതരമായ രോഗാവസ്ഥയുള്ളവർക്കുള്ള വാക്സിനേഷനാണ് ആദ്യഘട്ടത്തിൽ നൽകുന്നത്. അവർ കേന്ദ്ര ഗവണ്മന്റിന്റെ കോവിൻ വെബ്സൈറ്റിൽ രജിസ്റ്റർ ചെയ്തതിനു ശേഷം, അവിടെ സമർപ്പിച്ച ഫോൺ നമ്പർ ഉപയോഗിച്ചുകൊണ്ട് www.covid19.kerala.gov.in/vaccine/ എന്ന വെബ്സൈറ്റിൽ ലോഗിൻ ചെയ്യുകയും, അവിടെ ആവശ്യമായ വിവരങ്ങൾ സമർപ്പിക്കുകയും വേണമെന്ന് മുഖ്യമന്ത്രി വാര്ത്താസമ്മേളനത്തിൽ വ്യക്തമാക്കി.
അതോടൊപ്പം ആ വെബ്സൈറ്റില് നിന്നും ഡൗണ്ലോഡ് ചെയ്ത കോമോര്ബിഡിറ്റി ഫോം ഒരു രജിസ്റ്റേര്ഡ് മെഡിക്കല് പ്രാക്ടീഷണറെക്കൊണ്ട് പൂരിപ്പിച്ച് അപ് ലോഡ് ചെയ്യേണ്ടതാണ്. അതിനു പകരം മറ്റെന്തെങ്കിലും സര്ട്ടിഫിക്കറ്റുകളോ രേഖകളോ സമര്പ്പിച്ചാല് അപേക്ഷ തള്ളിപ്പോകുന്നതായിരിക്കും എന്നത് പ്രത്യേകം ശ്രദ്ധിക്കണം.
സംസ്ഥാനത്ത് ഇതുവരെ 50,178 പേരാണ് അപേക്ഷകള് സമര്പ്പിച്ചത്. അതില് 45,525 അപേക്ഷകളാണ് വെരിഫൈ ചെയ്തിരിക്കുന്നത്. അതുകൊണ്ട് അപേക്ഷകള് സമര്പ്പിക്കുന്നവര് നിര്ദേശങ്ങള് തെറ്റുകൂടാതെ പാലിക്കാന് ശ്രദ്ധിക്കണം. ചില പരാതികളും പ്രായോഗിക പ്രശ്നങ്ങളും ഇക്കാര്യത്തില് ഉന്നയിക്കപ്പെട്ടിട്ടുണ്ട്. അവ പരിഗണിച്ചു എത്രയും പെട്ടെന്ന് പരിഹാരം കണ്ടെത്താനുള്ള നടപടികള് പുരോഗമിക്കുകയാണെന്നും മുഖ്യമന്ത്രി വ്യക്തമാക്കി.
അതിന് പുറമെ, കൊവിഡ് വാക്സിൻ വാങ്ങാനുള്ള ആഗോള ടെൻഡർ നടപടി ഇന്ന് തുടങ്ങുമെന്ന് മുഖ്യമന്ത്രി പിണറായി വിജയൻ പറഞ്ഞു. കേരളം മൂന്ന് കോടി വാക്സിൻ വാങ്ങുമെന്ന് അദ്ദേഹം പറഞ്ഞു. ഗർഭിണികൾക്കും മുലയൂട്ടുന്നവർക്കും വാക്സിൻ നൽകാൻ ഐസിഎംആറിന്റെ നിർദ്ദേശം തേടുമെന്നും മുഖ്യമന്ത്രി വാർത്താ സമ്മേളനത്തിൽ പറഞ്ഞു.
Also Read :
നിലവിൽ ഗർഭിണികൾക്കും മുലയൂട്ടുന്നവർക്കും വാക്സിൻ നൽകുന്നില്ല. അവരിൽ വാക്സിൻ പരീക്ഷണം നടത്താത്തതിനാലാണ് അത്. അവർക്ക് വാക്സിൻ നൽകുന്നതിൽ കുഴപ്പമില്ലെന്നാണ് വിദഗ്ദർ പറയുന്നത്. ഇന്ത്യൻ നാഷ്ണൽ ടെക്സിക്കൽ അഡ്വൈസറി ഗ്രൂപ്പും നീതി ആയോഗും ഇക്കാര്യത്തിൽ ശുപാർശ നൽകിയിട്ടുണ്ട്. അതിനാൽ വാക്സിൻ നൽകാൻ ഐസിഎംആറിന്റെ ഉപദേശം തേടുമെന്നും മുഖ്യമന്ത്രി വ്യക്തമാക്കി.
