തിരുവനന്തപുരം > സര്ക്കാരിന്റെ കോവിഡ് പ്രതിരോധ പ്രവര്ത്തനങ്ങളെ സഹായിക്കാന് സംസ്ഥാന യുവജനക്ഷേമ ബോര്ഡ് മെഡി ടീമിനെ സജ്ജമാക്കി. 1672 പേരാണ് ഒന്നാംഘട്ട ടീമില് ഉള്ളത്. യോഗ്യത ഉണ്ടായിട്ടും പലകാരണങ്ങളാല് ആരോഗ്യ രംഗത്ത് തുടരാന് കഴിയാത്തവരും സ്വകാര്യ പ്രാക്ടീസ് നടത്തുന്നവരും മെഡിക്കല് പഠനം പൂര്ത്തീകരിച്ചതുമായ വിദ്യാര്ഥികളടങ്ങിയ മെഡിക്കല് ടീമിനെയാണ് ബോര്ഡ് സജ്ജമാക്കിയത്.
ഡോക്ടര്മാര്, നഴ്സുമാര്, പാരാമെഡിക്കല് സ്റ്റാഫ്, ലാബ്ടെക്നീഷ്യന്സ്, ഹെല്ത്ത് ഇന്സ്പെക്ടര് കോഴ്സ് പാസായവര് എന്നിവര് ടീമിലുണ്ട്.
സിഎഫ്എല്ടിസികളില് പ്രവര്ത്തിക്കാനും കോവിഡ്മൂലം മരണമടഞ്ഞവരുടെ സംസ്കാരചടങ്ങുകള് നടത്തുവാന് പരിശീലനം ലഭിച്ച വളണ്ടിയര്മാരും മെഡി ടീമില് ഉണ്ടാകും. അതത് ജില്ലാ ഭരണസംവിധാനത്തിന് ടീമിന്റെ ലിസ്റ്റ് കൈമാറുമെന്നും ഭാരവാഹികള് മുഖ്യമന്ത്രിയെ അറിയിച്ചു. മെഡിക്കല് ടീമിന്റെ രൂപീകരണത്തിന് മുന്കൈ എടുത്ത യുവജനക്ഷേമ ബോര്ഡിനെ മുഖ്യമന്ത്രി പിണറായി വിജയന് അറിയിച്ചു.
