സെൻട്രൽ സ്റ്റേഡിയത്തിൽ പന്തലടക്കമുള്ള സൗകര്യങ്ങൾ ഒരുക്കുന്നതിന്‍റെ പണികൾ പുരോഗമിക്കുകയാണ്. കൊവിഡ് രണ്ടാം തരംഗം രൂക്ഷമായ സാഹചര്യത്തിൽ കൊവിഡ് പ്രോട്ടോകോൾ പ്രകാരമാകും സത്യപ്രതിജ്ഞാ ചടങ്ങുകൾ സംഘടിപ്പിക്കുന്നത്. മുൻകൂട്ടി അറിയിച്ചവർക്ക് മാത്രമാകും ഇവിടേക്ക് പ്രവേശനം. പൊതുജനങ്ങൾക്ക് പ്രവേശനം അനുവദിക്കാൻ ഇടയില്ല.
Also Read :
മന്ത്രിസഭാ രൂപീകരണവുമായി ബന്ധപ്പെട്ട് ഉഭയകക്ഷി ചർച്ചകൾ പുരോഗമിക്കുകയാണ്. മെയ് 18 ഓടെ തന്നെ വകുപ്പ് വിഭജനത്തിൽ തന്നെ അന്തിമ തീരുമാനം ഉണ്ടാകും. മന്ത്രിസഭാ രൂപീകരണത്തെ കുറിച്ചുള്ള രണ്ടാംഘട്ട ചർച്ചകളാണ് എകെജി സെന്‍ററിൽ നിലവിൽ നടക്കുന്നത്. പിണറായി വിജയൻ, കോടിയേരി ബാലകൃഷ്ണൻ, കാനം രാജേന്ദ്രൻ എന്നിവരാണ് ചർച്ചയിൽ പങ്കെടുക്കുന്നത്.
Also Read :
രണ്ട് മന്ത്രിസ്ഥാനം വേണമെന്ന് കേരളാ കോൺഗ്രസ് എം ആവശ്യം ആവശ്യപ്പെടുന്നുണ്ടെങ്കിലും അത് നൽകിയേക്കില്ല. രണ്ട് മന്ത്രിസ്ഥാനം ലഭിക്കാത്ത പക്ഷം പ്രധാന വകുപ്പ് വേണമെന്ന നിലപാടാകും കേരളാ കോൺഗ്രസിന്‍റേത്. തങ്ങളുടെ കൈയ്യിലുള്ള വകുപ്പുകൾ വിട്ടുകൊടുക്കില്ലെന്ന നിലപാടിലാണ് സിപിഐ എന്നാണ് ഏഷ്യാനെറ്റ് റിപ്പോർട്ട് ചെയ്യുന്നത്.
