കോൺഗ്രസ് നേരിടുന്നത് മഹാമാരിപോലൊരു ദുരന്തം; ജാഗ്രതക്കുറവ് ഉണ്ടായെന്ന് പന്തളം സുധാകരൻ

കൊച്ചി: മഹാമാരി പോലൊരു ദുരന്തമാണ് കോൺഗ്രസ് നേരിടുന്നതെന്ന് . ജാഗ്രത വേണമെന്ന് സർക്കാർ പറഞ്ഞത് എല്ലാവരോടുമായിരുന്നു. എന്നാൽ ഈ മഹാമാരി എല്ലാക്കാലത്തും ഉണ്ടാവില്ലെന്നും സുധാകരൻ വ്യക്തമാക്കി.

സർക്കാരിന്റെ ഔദ്യോഗികമായ ഹാഷ്ടാഗ് ജാഗ്രതയെന്നുള്ളതാണ്. ആ ജാഗ്രത എല്ലാവർക്കും ബാധകമാണ്. ഞങ്ങൾക്ക് ആ ജാഗ്രത അറിഞ്ഞോ അറിയാതെയോ ഉണ്ടായിട്ടുണ്ട്. ഒരു മഹാമാരി പോലൊരു ദുരന്തമാണ് കോൺഗ്രസ് നേരിടുന്നതെന്നും എന്നാൽ അത് എല്ലാക്കാലത്തും ഉണ്ടാവില്ലെന്നും അദ്ദേഹം വ്യക്തമാക്കി, റിപ്പോർട്ടർ ലൈവ് റിപ്പോർട്ട് ചെയ്തു.

ഒരു കോൺഗ്രസുകാരൻ ഇതിനെ വിമർശിക്കുമ്പോൾ, രണ്ട് കാലിലും മലപോലെ മന്തുള്ളവൻ ഒരു കാലിൽ മന്തുള്ളവനെ മന്തുകാലാ എന്ന് വിളിക്കുന്നതുപോലെയാണ്. ഉത്തരവാദിത്വം ഓരോരുത്തരുടേയും തലയിൽ കെട്ടിവെക്കുന്നതിനു പകരം എല്ലാവരുടേയും ഉത്തരവാദിത്വമായി കാണണമെന്നും അങ്ങനെയാകുമ്പോൾ ബൂത്ത് തലം മുതൽ സംസ്ഥാന തലം വരെ ഉത്തരവാദിത്വം ഉണ്ടാകുമെന്നും അദ്ദേഹം പറഞ്ഞു.

രാഹുൽ ഗാന്ധി സ്ഥിരം അധ്യക്ഷസ്ഥാനത്തേക്ക് വരണം. ജനവിശ്വാസം ഉള്ളവരാണ് വരേണ്ടത്. നൂലിൽ കെട്ടിയിറങ്ങിയവരിൽ പലരും ഗ്രൂപ്പ് അടിസ്ഥാനത്തിൽ വരുന്നവരാണ്. അവർ യോഗ്യരാണോയെന്ന് ചിന്തിക്കാനുള്ള ബുദ്ധി ഇല്ലാതെ പോയതാണ് പതനത്തിന് കാരണം. ഉമ്മൻ ചാണ്ടിയുടേയും ചെന്നിത്തലയുടേയും പ്രവർത്തനങ്ങൾ വോട്ടാക്കി മാറ്റാൻ സാധിച്ചിട്ടില്ലെന്നും അദ്ദേഹം വ്യക്തമാക്കി.