അൻവറിനെ 
ആവശ്യമായ സമയത്ത്‌ ക്ഷണിക്കുമെന്ന്‌ സതീശൻ

കോഴിക്കോട്
അൻവറിനെ കോൺഗ്രസിലേക്ക് ക്ഷണിക്കുന്നത് സംബന്ധിച്ച് ആവശ്യമായ ഘട്ടത്തിൽ ചർച്ച ചെയ്യുമെന്ന് പ്രതിപക്ഷ നേതാവ് വി ഡി സതീശൻ. നിയമസഭയിൽ തനിക്കെതിരെ പി വി അൻവർ 150 കോടി രൂപയുടെ അഴിമതി ഉന്നയിച്ചതിന് പിന്നിൽ മുഖ്യമന്ത്രി പിണറായി വിജയനാണ്. പ്രതിപക്ഷം നേരത്തെ ഉയർത്തിയ ആരോപണങ്ങളാണ് അൻവർ ഇപ്പോൾ ഉന്നയിക്കുന്നത്. മുഖ്യമന്ത്രിയുടെ രാജി ആവശ്യപ്പെട്ട് യുഡിഎഫ് ശനി മുതൽ തെരുവിൽ പ്രതിഷേധം സംഘടിപ്പിക്കുമെന്നും സതീശൻ വാർത്താസമ്മേളനത്തിൽ പറഞ്ഞു.