തിരുവനന്തപുരം
സംസ്ഥാനത്ത് വെടിമരുന്ന് കൈകാര്യം ചെയ്യാൻ ലൈസൻസുകൾ അനുവദിക്കുന്നതിലും പുതുക്കുന്നതിലും ക്രമക്കേടുകൾ നടക്കുന്നതായുള്ള വിവരത്തിന്റെ അടിസ്ഥാനത്തിൽ വിജിലൻസ് ‘ഓപ്പറേഷൻ വിസ്ഫോടൻ’ പരിശോധന നടത്തി.
കലക്ടറേറ്റുകളിൽ ലൈസൻസുകൾ വിതരണം ചെയ്യുന്ന സെക്ഷനുകളിലും ലൈസൻസുകൾ നേടിയ, തെരഞ്ഞെടുത്ത സ്ഥാപനങ്ങളും കേന്ദ്രീകരിച്ചാണ് സംസ്ഥാന വ്യാപകമായി പരിശോധന തുടരുന്നത്. സംസ്ഥാനത്തെ മുഴുവൻ വിജിലൻസ് യൂണിറ്റുകളും പരിശോധനയിൽ പങ്കെടുത്തു. അഴിമതി സംബന്ധിച്ച വിവരങ്ങൾ ശ്രദ്ധയിൽപ്പെടുന്നവർ വിജിലൻസിനെ അറിയിക്കണം. ടോൾഫ്രീ നമ്പർ: 1064. ഫോൺ: 8592900900. വാട്സാപ്: 9447789100.
