ന്യൂഡൽഹി: ബംഗ്ലാദേശിനെതിരായ പരമ്പരയിലെ രണ്ടാം ടെസ്റ്റിനുള്ള ഇന്ത്യൻ ടീമിൽ മാറ്റമില്ല. ഒന്നാം ടെസ്റ്റിൽ ജയിച്ച ടീമിനെ തന്നെ നിലനിർത്താൻ സെലക്ഷൻ കമ്മിറ്റി തീരുമാനിച്ചു.രണ്ടാമത്തെയും അവസാനത്തെയും ടെസ്റ്റ് വെള്ളിയാഴ്ച കാൻപൂരിൽ ആരംഭിക്കും.’ബംഗ്ലദേശിനെതിരായ ടെസ്റ്റ് പരമ്പരയിലെ രണ്ടാം ടെസ്റ്റിന് അതേ പുരുഷ ടീമിനെ സെലക്ഷൻ കമ്മിറ്റി നിലനിർത്തിയിട്ടുണ്ട്. രണ്ടാം ടെസ്റ്റ് സെപ്റ്റംബർ 27 മുതൽ കാൻപൂരിൽ നടക്കും- ബിസിസിഐ ഓണററി സെക്രട്ടറി ജയ് ഷാ വാർത്താക്കുറിപ്പിൽ പറഞ്ഞു.
രോഹിത് ശർമ (ക്യാപ്റ്റൻ), യശസ്വി ജയ്സ്വാൾ, ശുഭ്മാൻ ഗിൽ, വിരാട് കോഹ്ലി, കെഎൽ രാഹുൽ, സർഫറാസ് ഖാൻ, ഋഷഭ് പന്ത് (വിക്കറ്റ് കീപ്പർ), ധ്രുവ് ജുറെൽ (വിക്കറ്റ് കീപ്പർ), ആർ അശ്വിൻ, ആർ ജഡേജ, അക്ഷർ പട്ടേൽ, കുൽദീപ് യാദവ്, മുഹമ്മദ് സിറാജ്, ആകാശ് ദീപ്, ജസ്പ്രീത് ബുംറ, യാഷ് ദയാൽ എന്നിവരാണ് ടീം അംഗങ്ങൾ.
ആദ്യ ടെസ്റ്റിൽ അശ്വിന്റെ ഓൾറൗണ്ട് പ്രകടനമാണ് ഇന്ത്യൻ വിജയത്തിന് മാറ്റു കൂട്ടിയത്. ബംഗ്ലാദേശിന്റെ രണ്ടാം ഇന്നിംഗ്സിൽ 88 റൺസ് മാത്രം വിട്ടുകൊടുത്ത് ആറു വിക്കറ്റ് ആണ് അശ്വിൻ കൊയ്തത്. നാല് ദിവസത്തിനുള്ളിൽ ഇന്ത്യയെ 280 റൺസിന്റെ ആധിപത്യ വിജയത്തിലേക്ക് നയിക്കുന്നതിൽ അശ്വിൻ നിർണായക പങ്കാണ് വഹിച്ചത്. 515 റൺസ് വിജയലക്ഷ്യവുമായി ക്രീസിൽ ഇറങ്ങിയ ബംഗ്ലാദേശ് 234 റൺസിന് ഓൾഔട്ടായി.
Read More
- India vs Bangladesh 1st Test Day 4:ബംഗ്ലാദേശിനെ എറിഞ്ഞുവീഴ്ത്തി ഇന്ത്യ
- India vs Bangladesh 1st Test Day 4: വിജയം മാത്രം ലക്ഷ്യം; ഇന്ത്യക്കു മുന്നിൽ അടിപതറി ബംഗ്ലാദേശ്
- ബംഗ്ലാദേശിനു മുന്നിൽ കൂറ്റൻ സ്കോർ; പിടിമുറുക്കി ഇന്ത്യ; ഗില്ലിനും പന്തിനും സെഞ്ചുറി
- India vs Bangladesh: ബംഗ്ലാദേശിനെ എറിഞ്ഞിട്ട് ഇന്ത്യ; ബുംമ്രയ്ക്ക് 4 വിക്കറ്റ്
- ടി20 ലോകകപ്പ്; പുരുഷ-വനിതാ ടീമുകൾക്ക് ഇനി സമ്മാനത്തുക തുല്യം: ഐസിസി
- ഇന്ത്യ- ബംഗ്ലാദേശ്; ടെസ്റ്റ്, ടി20 മത്സരങ്ങൾ എവിടെ എപ്പോൾ കാണാം?
