കോവളം > ആർഎസ്എസുമായി എല്ലാ കാലത്തും ബന്ധം പുലർത്തിയത് കോൺഗ്രസുകാരാണെന്ന് മുഖ്യമന്ത്രി പിണറായി വിജയൻ. കോൺഗ്രസ് ആർഎസ്എസുമായി സജീവമായ ബന്ധം പുലർത്തിയപ്പോൾ സിപിഐ എം ആർഎസ്എസിനെ പ്രതിരോധിക്കുകയായിരുന്നുവെന്നും അദ്ദേഹം പറഞ്ഞു. സിപിഐ എം കോവളം ഏരിയാ കമ്മിറ്റി ഓഫീസ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ആർഎസ്എസ് ശാഖയ്ക്ക് കാവൽ നിന്നെന്ന് പറഞ്ഞത് കെപിസിസി പ്രസിഡന്റാണ്. ആർഎസ്എസ് സ്ഥാപകനായിരുന്ന ഗോൾവാൾക്കറുടെ ചിത്രത്തിന് മുൻപിൽ വിളക്ക് കൊളുത്തി കുമ്പിട്ടത് ആരാണെന്ന് ചോദിച്ച മുഖ്യമന്ത്രി കോൺഗ്രസിന് കട്ടപിടിച്ച സംഘപരിവാർ മനസണെന്നും പറഞ്ഞു.
കോൺഗ്രസ് ആർഎസ്എസുമായി എപ്പോഴും ധാരണയുണ്ടാക്കിയപ്പോൾ, ആർഎസ്എസിനെ പ്രതിരോധിച്ചാണ് സിപിഐ എമ്മിന് ശീലമെന്നും മുഖ്യമന്ത്രി പറഞ്ഞു. കേരളത്തിൽ ആർഎസ്എസുകാർ ഏറ്റവും കൂടുതൽ കൊലപ്പെടുത്തിയത് സിപിഐ എമ്മുകാരെയാണ്. അവരെ പ്രീണിപ്പിക്കുന്നത് പാർടി നയമല്ല എന്നും അദ്ദേഹം കൂട്ടിച്ചേർത്തു.
ദേശീയ തലത്തിലുള്ള ആർഎസ്എസ്–കോൺഗ്രസ് ബിജെപി ബന്ധത്തെ കുറിച്ചും മുഖ്യമന്ത്രി സംസാരിച്ചു.
