ഗോളടിച്ച്‌ 
എംബാപ്പെ

മാഡ്രിഡ്
ഒടുവിൽ സ്പാനിഷ് ലീഗിൽ കിലിയൻ എംബാപ്പെയുടെ ബൂട്ടുകൾ ശബ്ദിച്ചു. റയൽ ബെറ്റിസിനെതിരെ ഇരട്ടഗോളുമായി ഈ മുന്നേറ്റക്കാരൻ റയൽ മാഡ്രിഡിന് ജയം സമ്മാനിച്ചു (2–-0). ഈ സീസണിൽ റയലിലെത്തിയ എംബാപ്പെയ്ക്ക് ആദ്യ മൂന്ന് കളിയിലും ഗോളടിക്കാനായിരുന്നില്ല. എന്നാൽ, ബെറ്റിസിനെതിരെ കാത്തിരിപ്പ് അവസാനിപ്പിച്ചു മുന്നേറ്റക്കാരൻ. ഫെഡെറികോ വാൽവെർദെ ഒരുക്കിയ അവസരത്തിലൂടെയാണ് ആദ്യ ഗോളടിച്ചത്. പെനൽറ്റിയിലൂടെ ലീഡുയർത്തി.