കോഴിക്കോട് > മലയാളി യുവതിയെ ബംഗളൂരുവിൽ മരിച്ച നിലയിൽ കണ്ടെത്തി. നാദാപുരം സ്വദേശിനിയായ 20 കാരിയെയാണ് താമസസ്ഥലത്ത് തൂങ്ങിമരിച്ച നിലയിൽ കണ്ടെത്തിയത്. ഒരു വർഷത്തോളമായി കെമ്പഗൗഡ എയർപ്പോർട്ട് കഫെയിൽ ജോലിചെയ്യുകയായിരുന്നു.
വെള്ളിയാഴ്ച രാവിലെയായിരുന്നു സംഭവം. ചിക്ജാല വിദ്യാനഗറിലാണ് യുവതി താമസിച്ചിരുന്നത്. മുറിക്കുള്ളിൽ തൂങ്ങിനിൽക്കുന്നതുകണ്ട് ഒപ്പമുണ്ടായിരുന്ന സുഹൃത്ത് ബഹളം വെച്ചതോടെ ഓടിക്കൂടിയവർ വാതിൽ തകർത്ത് യുവതിയെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
