പാരീസിൽ നടന്നുകൊണ്ടിരിക്കുന്ന പാരാലിമ്പിക്സിൽ സ്വർണ മെഡൽ നേടി റെക്കോഡ് നേട്ടം സ്വന്തമാക്കി ഇന്ത്യയുടെ അവാനി ലെഖാര. വനിതകളുടെ 10 മീറ്റർ എയർ റൈഫിൾ വിഭാഗത്തിലാണ് അവനി ലെഖാരയുടെ സ്വര്ണം നേട്ടം. ഇന്ത്യൻ താരം മോന അഗര്വാളും ഇതേ മത്സരത്തിൽ മെഡൽ നേടി. വെങ്കലമാണ് മോന സ്വന്തമാക്കയത്.
മെഡൽ നേട്ടത്തോടെ, പാരാലിമ്പിക്സ് ചരിത്രത്തിൽ രണ്ടു സ്വർണം നേടുന്ന ആദ്യ ഇന്ത്യക്കാരിയായി അവനി ലെഖാര. 249.7 പോയിന്റോടെയാണ് അവനി ഒന്നാം സ്ഥാനത്തെത്തിയത്. ടോകിയോയിൽ നേടിയ സ്വര്ണം പാരിസിലും അവാനി നിലനിർത്തുകയായിരുന്നു. 50 മീറ്റർ 3 പി ഇനത്തിൽ വെങ്കല മെഡലും താരം ടോകിയോയിൽ നേടിയിരുന്നു.
സമ്മർ പാരാലിമ്പിക്സിൻ്റെ 17 എഡിഷനുകളിലായി ഇന്ത്യ ഇതുവരെ 35 മെഡലുകൾ നേടിയിട്ടുണ്ട്. ഇതിൽ നാലു മെഡലുകൾ ഇത്തവണയാണ് സ്വന്തമാക്കിയത്. വനിതകളുടെ 100 മീറ്റർ ടി35 ഇനത്തിൽ ഇന്ത്യയുടെ പ്രീതി പാൽ വെങ്കലവും, പുരുഷന്മാരുടെ പത്തു മീറ്റർ എയർ പിസ്റ്റൽ വിഭാഗത്തിൽ മനീഷ് നർവാൾ വെള്ളിയും ഈ വർഷം നേടി. 10 സ്വർണ മെഡലുകളാണ് പാരാലിമ്പിക്സിലെ ഇന്ത്യയുടെ ഇതുവരെയുള്ള നേട്ടം.
പാരാലിമ്പിക്സിൽ സ്വർണം നേടിയ ഇന്ത്യൻ താരങ്ങൾ
| കായികതാരം | ഇനം | വർഷം |
| മുരളികാന്ത് പേട്കർ | നീന്തൽ (പുരുഷന്മാരുടെ 50 മീറ്റർ ഫ്രീസ്റ്റൈൽ) | 1972 |
| ദേവേന്ദ്ര ജജാരിയ | പുരുഷന്മാരുടെ ജാവലിൻ ത്രോ | 2004 |
| മാരിയപ്പൻ തങ്കവേലു | പുരുഷന്മാരുടെ ഹൈജമ്പ് | 2016 |
| ദേവേന്ദ്ര ജജാരിയ | പുരുഷന്മാരുടെ ജാവലിൻ ത്രോ | 2016 |
| അവനി ലെഖാര | ഷൂട്ടിംഗ് (സ്ത്രീകളുടെ 10 മീറ്റർ എയർ റൈഫിൾ സ്റ്റാൻഡിംഗ്) | 2020 |
| സുമിത് ആൻ്റിൽ | പുരുഷന്മാരുടെ ജാവലിൻ ത്രോ | 2020 |
| മനീഷ് നർവാൾ | ഷൂട്ടിംഗ് (പുരുഷന്മാരുടെ 50 മീറ്റർ പിസ്റ്റൾ) | 2020 |
| പ്രമോദ് ഭഗത് | ബാഡ്മിൻ്റൺ (പുരുഷ സിംഗിൾസ് SL3) | 2020 |
| കൃഷ്ണ നഗർ | ബാഡ്മിൻ്റൺ (പുരുഷ സിംഗിൾസ് SH6) | 2020 |
| അവനി ലെഖാര | ഷൂട്ടിംഗ് (സ്ത്രീകളുടെ 10 മീറ്റർ എയർ റൈഫിൾ സ്റ്റാൻഡിംഗ്) | 2024 |
Read More
- സഞ്ജുവും ഗെയിലുമില്ല; എക്കാലത്തെയും മികച്ച ഐപിഎൽ ഇലവനുമായി അശ്വിൻ
- ജേക്കബ് ഓറം ന്യൂഡിലൻഡ് ബൗളിങ് പരിശീലകൻ
- പരിശീലനത്തിലേക്ക് മടങ്ങി ലയണൽ മെസ്സി
- പാരാലിമ്പക്സിന് പാരിസിൽ വർണാഭമായ തുടക്കം
- മികച്ച ഗോൾ സ്കോറർ;റൊണാൾഡോയ്ക്ക് ആദരവുമായി യുവേഫ
- ഐപിഎൽ 2025; ലക്നൗ സൂപ്പർ ജയൻ്റ്സ് മെന്ററായി സഹീർ ഖാൻ
- കൊലപാതകം തെളിയട്ടേ; ഷാക്കിബ് അൽ ഹസൻ ടീമിൽ തുടരുമെന്ന് ബിസിബി
- ലോക ക്രിക്കറ്റിന്റെ തലപ്പത്തേക്ക് ജയ് ഷാ; ഏറ്റവും പ്രായം കുറഞ്ഞ ഐസിസി ചെയർമാൻ
