കൊച്ചി> മുകേഷിനെതിരായ പരാതിയില് പരാതിക്കാരിയായ നടിയുടെ രഹസ്യമൊഴി രേഖപ്പെടുത്തി. ലൈംഗികാതിക്രമ കേസിലാണ് മൊഴി രേഖപ്പെടുത്തിയത്. ആരോപണങ്ങളില് ഉറച്ചുനില്ക്കുന്നുവെന്ന് പരാതിക്കാരി പറഞ്ഞു. വേണ്ട തെളിവ് സഹിതം വിസ്തരിച്ചാണ് മൊഴി നല്കിയത് . ഡിജിറ്റല് തെളിവുകള് മജിസ്ട്രേറ്റിന് മുന്നില് ഹാജരാക്കിയിട്ടുണ്ടെന്നും അവര് വിശദീകരിച്ചു
അതേസമയം, ആരോപണം ഉന്നയിച്ച നടിയ്ക്കെതിരായ ഇലക്ട്രോണിക് തെളിവുകള് മുകേഷ് അഭിഭാഷകന് ജോ പോളിന് കൈമാറി.ആലുവയില് താമസിക്കുന്ന നടിയുടെ പരാതിയില് 7 പേര്ക്കെതിരെ കേസെടുത്തതിന്റെ തുടര്നടപടിയെന്ന നിലയിലാണ് രഹസ്യമൊഴി രേഖപ്പെടുത്തിയത്.
നടനും എം എല് എയുമായ എം മുകേഷിനെതിരായ പരാതിയിലാണ് ആദ്യം രഹസ്യമൊഴി രേഖപ്പെടുത്തിയിരിക്കുന്നത്. എറണാകുളം ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് എട്ടാം കോടതിയില് 3.30 ഓടെ ആരംഭിച്ച മൊഴിയെടുപ്പ് രണ്ടര മണിക്കൂര് നീണ്ടു.
