റാവൽപിണ്ടി> പാകിസ്ഥാനെതിരായ ഒന്നാം ടെസ്റ്റിൽ ബംഗ്ലാദേശിന് ചരിത്ര വിജയം. റാവൽപിണ്ടിയിൽ നടന്ന ടെസ്റ്റിൽ പാകിസ്ഥാനെ പത്ത് വിക്കറ്റിന് തകർത്താണ് ബംഗാളിന്റെ നേട്ടം. ടെസ്റ്റ് ക്രിക്കറ്റിൽ ആദ്യമായാണ് ബംഗ്ലാദേശ് പാക്കിസ്ഥാനെ തോൽപിക്കുന്നത്. സ്കോർ: പാകിസ്ഥാൻ 448/6 ഡിക്ലയർഡ്, 146; ബംഗ്ലാദേശ് 565, 30/0.
രണ്ടാം ഇന്നിങ്സിൽ നേരിട്ട കൂട്ടത്തകർച്ചയാണ് മത്സരത്തിൽ പാകിസ്ഥാനു തിരിച്ചടിയായത്. ഒന്നാം ഇന്നിങ്സ് ആറിന് 448 റണ്ണെടുത്ത് ടീം ഡിക്ലയർ ചെയ്തിരുന്നു. എന്നാൽ മറുപടി ബാറ്റിംഗിനിറങ്ങിയ ബംഗ്ലാദേശ് വിക്കറ്റ് കീപ്പർ മുഷ്ഫിക്കർ റഹ്മാന്റെ (191) കരുത്തിൽ 565 റണ്ണാണ് അടിച്ചുകൂട്ടിയത്. പാകിസ്ഥാന്റെ രണ്ടാം ഇന്നിംഗ്സ് 55.5 ഓവറിൽ 146 റൺസിൽ അവസാനിച്ചു. ഇതോടെ 30 റൺസ് വിജയലക്ഷ്യവുമായി ഇറങ്ങിയ ബംഗ്ലദേശ് 6.3 ഓവറിൽ വിക്കറ്റു പോകാതെ വിജയത്തിലെത്തുകയായിരുന്നു.
