തിരുവനന്തപുരം> കേരളത്തില് അടുത്ത അഞ്ച് ദിവസം ശക്തമായ മഴയ്ക്ക് സാധ്യതയെന്ന് കാലാവസ്ഥ വകുപ്പ്.വടക്കന് ബംഗാള് ഉള്ക്കടലില് രൂപപ്പെട്ട ചക്രവാതച്ചുഴി അടുത്ത 48 മണിക്കൂറിനുള്ളില് ന്യൂനമര്ദമായി ശക്തി പ്രാപിക്കാന് സാധ്യതയുണ്ട്.ഇതിന്റെ ഫലമായാണ് കേരളത്തില് മഴയ്ക്ക് സാധ്യത പ്രവചിക്കുന്നത്.
സംസ്ഥാനത്തെ ഒറ്റപ്പെട്ട സ്ഥലങ്ങളില് ഓഗസ്റ്റ് 24 മുതല് 28 വരെയുള്ള തീയതികളില് ശക്തമായ മഴയ്ക്ക് സാധ്യതയെന്നാണ് മുന്നറിയിപ്പ്.പടിഞ്ഞാറു ദിശയില് സഞ്ചരിച്ച് ഓഗസ്റ്റ് 26ഓടെ പടിഞ്ഞാറന് മധ്യപ്രദേശിന് മുകളില് തീവ്ര ന്യൂനമര്ദമായി ശക്തി പ്രാപിക്കാന് സാധ്യത. തുടര്ന്ന് രാജസ്ഥാന്, ഗുജറാത്ത് മേഖലയിലേക്ക് നീങ്ങാനും സാധ്യതയുണ്ട്.
തെക്കന് ഗുജറാത്ത് തീരം മുതല് തെക്കന് കേരള തീരം വരെ ന്യൂനമര്ദപാത്തി രൂപപെട്ടു. തെക്കു കിഴക്കന് ഉത്തര്പ്രദേശിനും വടക്കു കിഴക്കന് മധ്യപ്രദേശിനും മുകളിലായി ശക്തി കൂടിയ ന്യൂനമര്ദം സ്ഥിതി ചെയ്യുന്നു.
