തിരുവനന്തപുരം > സംസ്ഥാനത്തെ സർക്കാർ, എയ്ഡഡ് സ്കൂളൂകളിൽ 2023-2024 അധ്യയന വർഷത്തിൽ 2325 അധിക തസ്തികകള് അനുവദിക്കും. സർക്കാർ മേഖലയിലെ 513 സ്കൂളുകളിലായി 957 അധിക തസ്തികകളും, 699 എയ്ഡഡ് സ്കൂളുകളിലായി 1368 അധിക തസ്തികകളുമാണ് അനുവദിക്കുക.
1212 സ്കൂളുകളലായി 2325 അധ്യാപക, അനധ്യാപക അധികതസ്തികൾ അനുവദിക്കും. ബുധനാഴ്ച നടന്ന മന്ത്രിസഭാ യോഗത്തിലാണ് തീരുമാനം. പ്രതിമാസം 8,47,74,200 രൂപയുടെ സാമ്പത്തിക ബാധ്യത ഉണ്ടാകും. 2023 ഓക്ടോബര് ഒന്ന് മുതലാണ് പ്രാബല്യത്തിൽ വരിക.
