കൊച്ചി> സംവിധായകൻ എസ് എസ് രാജമൗലിയുടെ സിനിമയാത്രയെക്കുറിച്ചുള്ള ഡോക്യുഫിലിം ‘മോഡേൺ മാസ്റ്റേഴ്സ്’ നെറ്റ്ഫ്ലിക്സിൽ സ്ട്രീം ചെയ്തു തുടങ്ങി. അപ്ലാസ് എന്റർടൈൻമെന്റും ഫിലിം കമ്പാനിയനും ചേർന്നാണ് ചിത്രം ഒരുക്കിയിട്ടുള്ളത്. രാജമൗലിയുടെ സിനിമ ജീവിതത്തിലൂടെയുള്ള യാത്രയാണ് ‘മോഡേൺ മാസ്റ്റേഴ്സ്’.
രാഘവ് ഖന്നയാണ് സംവിധാനം. കുടുംബവും പ്രശസ്തരായ സുഹൃത്തുക്കളും രാജമൗലിയെക്കുറിച്ച് പറയുന്ന അഭിമുഖങ്ങളിൽ ഇതിലുണ്ട്. രാജമൗലിയുടെ ജീവിതത്തെയും സിനിമാവഴികളെയും കുറിച്ച് അപൂർവമായ കാര്യങ്ങൾ ഇതിലൂടെ പങ്കുവെക്കുന്നു. രാജമൗലിയുടെ കുട്ടിക്കാലം, സിനിമ ചിത്രീകരണത്തിനിടയിലെ അപൂർവ നിമിഷങ്ങൾ, ഒസ്കാർ നേടിയ നിമിഷം ഇങ്ങനെ രാജമൗലിയുടെ ജീവിതത്തെക്കുറിച്ച് ഉൾകാഴ്ച നൽകുന്നതാണ് ചിത്രം.
