പാരിസ്> ഒളിമ്പിക്സ് ബാഡ്മിന്റണിലെ ഇന്ത്യയുടെ മെഡൽ സ്വപ്നം പൂർത്തീകരിക്കാനാവാതെ ലക്ഷ്യ സെൻ. ഒളിമ്പിക്സിലെ ബാഡ്മിന്റണ് പുരുഷ സിംഗിള്സ് വെങ്കല മെഡല് പോരാട്ടത്തില് മലേഷ്യയുടെ ലീ സി ജിയക്കെതിരേ ആദ്യ ഗെയിം ആധികാരികമായി സ്വന്തമാക്കിയ ശേഷം പിന്നീടുള്ള രണ്ട് ഗെയിമുകളും നഷ്ടപ്പെടുത്തി ഇന്ത്യന് താരം മത്സരം കൈവിട്ടു (1-2). സ്കോര്: 21-13, 16-21, 11-21.
ജയിച്ചിരുന്നെങ്കില് ഒളിമ്പിക് ബാഡ്മിന്റണില് മെഡല് നേടുന്ന ആദ്യ ഇന്ത്യന് പുരുഷ താരമെന്ന നേട്ടം ലക്ഷ്യയ്ക്ക് സ്വന്തമായേനേ. എങ്കിലും അരങ്ങേറ്റ ഒളിമ്പിക്സിൽ മികച്ച പ്രകടനം കാഴ്ചവെച്ചാണ് ലക്ഷ്യ മടങ്ങുന്നത്.
