ആലപ്പുഴയിൽ ഡിവൈഎഫ്ഐ പ്രവർത്തകർ വാഹനാപകടത്തിൽ മരിച്ചു

ആലപ്പുഴ > ആലപ്പുഴയിൽ വാഹനാപകടത്തിൽ ഡിവൈഎഫ്ഐ ജില്ലാ സെക്രട്ടറിയേറ്റംഗം ഉൾപ്പെടെ രണ്ടുപേർ മരിച്ചു. ആര്യാട് ബ്ലോക്ക് പഞ്ചായത്ത് സ്ഥിരം സമിതി അംഗവും ഡിവൈഎഫ്ഐ മാരാരിക്കുളം ബ്ലോക്ക് സെക്രട്ടറിയുമായ എം രജീഷ്, ഡിവൈഎഫ്ഐ പ്രവർത്തകനായ അനന്തു എന്നിവരാണ് മരിച്ചത്. വളവനാട് പ്രീതികുളങ്ങരയിൽ വെച്ചായിരുന്നു അപകടം. ഇവർ സഞ്ചരിച്ച കാർ കലുങ്കിലേക്ക് ഇടിച്ച് കയറുകയായിരുന്നു. ഒപ്പമുണ്ടായിരുന്നവരെ പരിക്കുകളോടെ ആശുപത്രിയിൽ പ്രവേശിപ്പിച്ചു.