കോഴിക്കോട് > അർജുൻ ഉൾപ്പെടെ കാണാതായവർക്കായുള്ള തിരച്ചിൽ താത്കാലികമായി അവസാനിപ്പിക്കാനുള്ള തീരുമാനം ദൗർഭാഗ്യകരമെന്ന് മന്ത്രി പി എ മുഹമ്മദ് റിയാസ്. ഇന്നലെയുള്ള കൂടിക്കാഴ്ചയിലും വിവരം അറിയിച്ചിരുന്നില്ല. തീരുമാനമെടുത്തത്ത് കൂടിയാലോചനയല്ലാതെയാണെന്നും മന്ത്രി പറഞ്ഞു.
ആദ്യം മുതലെ ഇരു സംസ്ഥാനങ്ങൾ ചേർന്നാണ് തീരുമാനമെടുത്തിരുന്നത്. എന്നാൽ ദൗത്യം അവസാനിപ്പിക്കുന്നതായി തീരുമാനം അറിയിച്ചിരുന്നില്ല. ഇന്നലെ ചേർന്ന യോഗത്തിലെടുത്ത മൂന്ന് തീരുമാനങ്ങൾ നടപ്പിലാക്കണമെന്നും മന്ത്രി അഭ്യർഥിച്ചു.
രക്ഷാദൗത്യത്തിൽ പ്രയത്നിച്ചവരുടെ അധ്വാനത്തെ അംഗീകരിക്കുന്നതായും ആരെയും കുറ്റപ്പെടുത്തുന്നില്ലെന്നും അദ്ദേഹം പറഞ്ഞു. ഭരണഘടനാപ്രകാരം ചെയ്യാൻ സാധ്യമായ എല്ലാ കാര്യങ്ങളും ആദ്യം മുതൽ ചെയ്തിരുന്നതായും മന്ത്രി അറിയിച്ചു.
