ധോണിയേയും റെയ്നയേയും വരെ പിന്നിലാക്കി; ചെന്നൈയുടെ ‘ദളപതി’ ഇനി ഈ പ്രതിഭയാണ്

ഐപിഎല്ലിലെ പ്രകടനമികവിൽ സാക്ഷാൽ ചെന്നൈ സൂപ്പർ കിങ്സിന്റെ തല മഹേന്ദ്ര സിങ് ധോണിയേയും, ചിന്നതല സുരേഷ് റെയ്നയേയും മറികടന്ന് സർ രവീന്ദ്ര ജഡേജ. ഐപിഎല്ലിന്റെ ചരിത്രത്തിൽ ഏറ്റവും കൂടുതൽ പ്ലേയർ ഓഫ് ദി മാച്ച് പുരസ്കാരങ്ങൾ സ്വന്തമാക്കിയ സിഎസ്കെ താരമെന്ന ധോണിയുടെ പേരിലുണ്ടായിരുന്ന റെക്കോർഡാണ് ജഡേജ സ്വന്തം പേരിലാക്കിയത്.

Swing and Spin for the win!🥳💥#WhistlePodu #Yellove🦁💛 #PBKSvCSK pic.twitter.com/N8dHXtmXK9
— Chennai Super Kings (@ChennaiIPL) May 5, 2024

ജഡേജയ്ക്ക് പതിനാറ് മത്സരങ്ങളിൽ മികച്ച കളിക്കാരനുള്ള പുരസ്ക്കാരം ലഭിച്ചപ്പോൾ, ധോണിക്ക് ഇതുവരെ ലഭിച്ചത് 15 പ്ലേയർ ഓഫ് ദി മാച്ച് പുരസ്കാരങ്ങളാണ്. മൂന്നാം സ്ഥാനക്കാരനായ സുരേഷ് റെയ്ന നേടിയത് 12 പ്ലേയർ ഓഫ് ദി മാച്ച് പുരസ്കാരങ്ങളുമാണ്. രവീന്ദ്ര ജഡേജയാണ് ചെന്നൈ ആരാധകരുടെ പുതിയ ദളപതിയെന്നാണ് ആരാധകർ പ്രശംസിക്കുന്നത്.

Man with the most POTM accolades! 🥳⚔️#ThalapathyForAReason #PBKSvCSK #WhistlePodu 🦁💛 @imjadeja pic.twitter.com/RRaIOI877j
— Chennai Super Kings (@ChennaiIPL) May 5, 2024

രവീന്ദ്ര ജഡേജയുടെ ഓള്‍റൗണ്ട് മികവാണ് ചെന്നൈയ്ക്ക് അപ്രതീക്ഷിത ജയം സമ്മാനിച്ചത്. ചെന്നൈയ്ക്ക് വേണ്ടി 26 പന്തില്‍ 43 റണ്‍സെടുത്ത ജഡേജ പഞ്ചാബ് ഇന്നിങ്‌സില്‍ മൂന്ന് വിക്കറ്റും വീഴ്ത്തി തിളങ്ങി. പഞ്ചാബ് കിങ്‌സിനെതിരെ 28 റണ്‍സ് വിജയമാണ് ചെന്നൈ നേടിയത്.

Good haul. All in all! 🦁#PBKSvCSK #WhistlePodu 🦁💛 pic.twitter.com/PSSfJBEAis
— Chennai Super Kings (@ChennaiIPL) May 5, 2024

168 റണ്‍സ് വിജയലക്ഷ്യത്തിലേക്ക് ബാറ്റുവീശിയ പഞ്ചാബിനെ 139 റണ്‍സിന് ചുരുട്ടിക്കെട്ടാന്‍ ചെന്നൈയ്ക്ക് കഴിഞ്ഞു. വിജയത്തോടെ മൂന്നാം സ്ഥാനത്തേക്ക് കുതിച്ച ചെന്നൈ പ്ലേ ഓഫ് പ്രതീക്ഷകളും സജീവമാക്കി.