അവസാന ഓവറിൽ 3 സിക്സർ, രണ്ട് വിക്കറ്റ്; ഇതിലും മികച്ച ത്രില്ലർ സ്വപ്നങ്ങളിൽ മാത്രം

ഐപിഎല്ലിലെ ഏറ്റവും ആവേശകരമായ മത്സരത്തിൽ റോയൽ ചലഞ്ചേഴ്സ് ബെംഗളൂരുവിനെ ഒരു റൺസിന് തോൽപ്പിച്ച് കൊൽക്കത്ത നൈറ്റ് റൈഡേഴ്സ്. ജയിക്കാൻ അവസാന പന്തിൽ മൂന്ന് റൺസ് വേണമെന്നിരിക്കെ അവസാന വിക്കറ്റിൽ ബാറ്റ് ചെയ്യാനെത്തിയത് ലോക്കി ഫെർഗ്യൂസനായിരുന്നു.

തൊട്ടു മുമ്പത്തെ പന്തിൽ മിച്ചെൽ സ്റ്റാർക്ക് ഫോമിലുള്ള കരൺ ശർമ്മയെ സ്വന്തം പന്തിൽ ക്യാച്ചെടുത്ത് പുറത്താക്കിയിരുന്നു. 7 പന്തിൽ 20 റൺസ് വാരിയ കരൺ കൊൽക്കത്തയെ വിറപ്പിച്ചാണ് കീഴടങ്ങിയത്.

എന്നാൽ ആദ്യ റൺ പൂർത്തിയാക്കി രണ്ടാം റണ്ണിനായി ഓടിയ ഫെർഗ്യൂസനെ രമൺദീപ് സിങ്ങിന്റെ ഏറിൽ നിന്നും പന്ത് പിടിച്ചെടുത്ത് വിക്കറ്റ് കീപ്പർ ഫിലിപ് സാൾട്ട് റണ്ണൌട്ടാക്കുകയായിരുന്നു.

ONE OF THE BEST FINISH IN IPL 2024…!!! 💥
– Phil Salt with a dive to win it for KKR. 👏 pic.twitter.com/m6VDnYqcN9
— Mufaddal Vohra (@mufaddal_vohra) April 21, 2024

കൊൽക്കത്ത ഉയർത്തിയ 223 റൺസ് വിജയലക്ഷ്യം തേടി ബാറ്റുവീശിയ ബെംഗളൂരുവിന് 9 വിക്കറ്റ് നഷ്ടത്തിൽ 221 റൺസെടുക്കാനേ കഴിഞ്ഞുള്ളൂ.

അവസാന ഓവറിൽ മൂന്ന് സിക്സറുകൾ പറത്തി കർണ് ശർമ്മ ജയപ്രതീക്ഷ നൽകിയിരുന്നു. അവസാന രണ്ട് പന്തിൽ അവർക്ക് 3 റൺസ് മതിയായിരുന്നു ജയിക്കാൻ.

Narrowest defeat for RCB in IPL history:
1 run Vs KKR, 2024*.
2 runs Vs KKR, 2014.
4 runs Vs SRH, 2021.
5 runs Vs KKR, 2008. pic.twitter.com/03k2JNQWt0
— Mufaddal Vohra (@mufaddal_vohra) April 21, 2024

എന്നാൽ കർണിനെ അഞ്ചാം പന്തിൽ പുറത്താക്കി മിച്ചെൽ സ്റ്റാർക്ക് കെകെആറിനെ മത്സരത്തിലേക്ക് തിരിച്ചുകൊണ്ടുവന്നു. അവസാന പന്തിലും ഒരു റൺസ് മാത്രം വിട്ടുനൽകി സ്റ്റാർക്ക് ടീമിന് നിർണായകമായ ജയം സമ്മാനിച്ചു.

ആന്ദ്രെ റസ്സൽ മൂന്നും ഹർഷിത് റാണ, സുനിൽ നരെയ്ൻ എന്നിവർ രണ്ടും വീതം വിക്കറ്റുകളാണ് വീഴ്ത്തിയത്. ആർസിബിക്കായി വിൽ ജാക്ക്സ് (55), രജത് പാട്ടിദാർ (52) സുയാഷ് പ്രഭുദേശായി (24), ദിനേശ് കാർത്തിക് (25), കർണ് ശർമ്മ (20) എന്നിവർ പൊരുതി നോക്കിയെങ്കിലും ജയം ഒരു റൺസ് അകലെയായി അവശേഷിച്ചു.

നേരത്തെ ഫിലിപ് സാൾട്ട് (48), ശ്രേയസ് അയ്യർ (50), റസ്സൽ (27), റിങ്കു സിങ് (24), രമൺദീപ് സിങ്ങ് (24) എന്നിവരുടെ മികവിലാണ് കൊൽക്കത്ത നൈറ്റ് റൈഡേഴ്സ് 6 വിക്കറ്റ് നഷ്ടത്തിൽ 222 റൺസ് അടിച്ചെടുത്തത്.