ഇന്ത്യന്‍ പ്രീമിയര്‍ ലീഗില്‍ കഴിഞ്ഞ മത്സരത്തിൽ തകര്‍പ്പന്‍ ബാറ്റിങ്ങ് പ്രകടനത്തിലൂടെ മുംബൈയെ വിജയവഴിയിൽ തിരിച്ചെത്തിച്ചതിൽ പ്രധാനി രോഹിത് ശര്‍മ്മയാണ്. 49 റൺസുമായി സ്ഫോടനാത്മകമായ തുടക്കമാണ് ഹിറ്റ്മാൻ കഴിഞ്ഞ മത്സരത്തിൽ മുബൈയ്ക്ക് സമ്മാനിച്ചത്.
അതേസമയം, ബാറ്റിങ്ങില്‍ മാത്രമല്ല മിമിക്രിയിലും താനൊരു പുലിയാണെന്ന് തെളിയിച്ചിരിക്കുകയാണ് മുൻ മുംബൈ നായകൻ. പരിശീലനത്തിനിടെ ഇന്ത്യന്‍ താരങ്ങളെ അനുകരിക്കുന്ന രോഹിതിന്റെ ദൃശ്യങ്ങളാണ് ഇപ്പോള്‍ സമൂഹ മാധ്യമങ്ങളില്‍ വൈറലാകുന്നത്.
ഇന്ത്യന്‍ താരങ്ങളായ സച്ചിന്‍ ടെണ്ടുല്‍ക്കര്‍, യുവരാജ് സിങ്, രാഹുല്‍ ദ്രാവിഡ്, ഹര്‍ഭജന്‍ സിങ്, സഹീര്‍ ഖാന്‍ എന്നിവരെ രോഹിത് അനുകരിക്കുന്ന വീഡിയോയാണ് പുറത്തുവന്നത്. ഈ താരങ്ങളുടെ ബാറ്റിങ്ങും ബൗളിങ്ങും വളരെ കൃത്യമായാണ് ഹിറ്റ്മാന്‍ അനുകരിക്കുന്നത്.
Rohit Sharma imitates Sachin, Yuvi and Bhajji 🤣 🤩 pic.twitter.com/WX87Ye9zb7
— ISHU YADAV (@IshRo45) April 5, 2024
ഐപിഎല്ലില്‍ മൂന്ന് തുടർ തോല്‍വികള്‍ക്ക് ശേഷം മുംബൈ ഇന്ത്യന്‍സ് വിജയവഴിയില്‍ തിരിച്ചെത്തിയിരുന്നു. ഡല്‍ഹി ക്യാപിറ്റല്‍സിനെ 29 റണ്‍സിനാണ് മുന്‍ ചാമ്പ്യന്മാര്‍ തോല്‍പ്പിച്ചത്.
Read More
- ഐപിഎൽ മത്സരങ്ങൾ എപ്പോൾ, എവിടെ കാണാം?
- ക്യാപ്റ്റൻ സ്ഥാനം ഒഴിഞ്ഞ് എംഎസ് ധോണി
- എല്ലിസ് പെറി, സോഫി മോളിനക്സ്; ഇക്കൊല്ലം ബാംഗ്ലൂരിന് കപ്പ് സമ്മാനിച്ചത് ‘ഓസീസ് ഫയർ പവർ’
- ‘പന്തെറിയുന്ന കൈയ്യിൽ തീപിടിച്ചു’; ക്രിക്കറ്റ് ഉപേക്ഷിക്കാനും ആലോചിച്ചിരുന്നതായി സിറാജ്
- പന്ത് ‘ഫിറ്റാ’; ഐപിഎൽ കളിക്കാൻ പൂർണ്ണസജ്ജൻ; പുറത്തായത് ഈ ഇന്ത്യൻ താരങ്ങൾ
