മുംബൈയെ രഞ്ജി ചാമ്പ്യന്മാരാക്കി രഹാനെ മാജിക്; യഥാർത്ഥ ഹീറോകൾ ഇവരാണ്

എട്ട് വർഷത്തെ കാത്തിരിപ്പിനൊടുവിൽ രഞ്ജി ട്രോഫി കിരീടത്തിൽ മുത്തമിട്ട് അജിൻക്യ രഹാനെ നയിച്ച മുംബൈ. കരുത്തരായ വിദർഭയുടെ ബാറ്റർമാരുടെ പോരാട്ടവീര്യത്തിന് മുന്നിലും പതറാതെ അവസാന ദിവസം അവർ അർഹിച്ച ജയം പിടിച്ചെടുക്കുക തന്നെ ചെയ്തു. മുംബൈ 169 റണ്‍സിന്റെ ജയമാണ് സ്വന്തമാക്കിയത്. സ്‌കോര്‍ – മുംബൈ: 224, 418. വിദര്‍ഭ: 105, 368.

42ാം തവണയാണ് മുംബൈ രഞ്ജി ട്രോഫി കിരീടം നേടുന്നത്. എട്ട് വര്‍ഷങ്ങള്‍ക്ക് മുമ്പ് 2015-16ലാണ് മുംബൈ ഇതിന് മുമ്പ് രഞ്ജി ട്രോഫി കിരീടം സ്വന്തമാക്കിയത്. മൂന്നാം കിരീടം ലക്ഷ്യമിട്ടെത്തിയ വിദര്‍ഭയ്ക്ക് അജിൻക്യ രഹാനെയുടെ ടീമിനെ തോല്‍പ്പിക്കാനായില്ല. വിദർഭ 2017-18, 2018-19 വര്‍ഷങ്ങളില്‍ തുടര്‍ച്ചയായി രഞ്ജിയിൽ കിരീടം നേടിയിരുന്നു.

ആറാം വിക്കറ്റിൽ 130 റൺസിന്റെ കൂട്ടുകെട്ടുയർത്തി അക്ഷയ് വാഡ്ക്കറും (102) ഹർഷ് ദുബെയും (65) പൊരുതി നോക്കിയെങ്കിലും മുംബൈയുടെ ഇച്ഛാശക്തിയെ മറികടക്കാൻ അവർക്ക് കഴിഞ്ഞില്ല. മുംബൈ നിരയിൽ നാല് വിക്കറ്റുകളുമായി തിളങ്ങിയ തനുഷ് കോട്ടിയാനും സിഎസ്കെ ബോളർ തുഷാർ ദേശ്പാണ്ഡെയും ചേർന്ന് വിദർഭയുടെ വാലറ്റത്തെ ചുരുട്ടിക്കെട്ടി.

A perfect ending to an incredible career 🫡🙌
Take a bow, Dhawal Kulkarni 🙇‍♀️🙇#RanjiTrophy #MCA #Mumbai #Wankhede #BCCI #Champions #RanjiTrophyFinal #Final | @dhawal_kulkarni pic.twitter.com/DqZJdmmmcV
— Mumbai Cricket Association (MCA) (@MumbaiCricAssoc) March 14, 2024

ക്യാപ്റ്റനും വിക്കറ്റ് കീപ്പറുമായ അക്ഷയ് വദ്കറിന്റെ (199 പന്തില്‍ 102) ഇന്നിങ്‌സാണ് വിദര്‍ഭയ്ക്ക് മാന്യമായ സ്‌കോര്‍ സമ്മാനിച്ചത്. മലയാളിയായ കരുണ്‍ നായര്‍ (74), ഹര്‍ഷ് ദുബെ (65), അതര്‍വ തയ്‌ഡെ (32), ധ്രുവ് ഷോറെ (28), അമന്‍ മൊഖദെ (32) എന്നിവരും മികച്ച ചെറുത്തുനിൽപ്പ് നടത്തി.

ഇന്ത്യൻ താരം സർഫറാസ് ഖാൻ്റെ ഇളയ സഹോദരനായ മുഷീർ ഖാൻ തന്നെയാണ് ഫൈനലിൽ പ്ലേയർ ഓഫ് ദി മാച്ച് പുരസ്കാരം നേടിയത്. മുംബൈ ബോളർ തനുഷ് കോട്ടിയാൻ പരമ്പരയിലെ താരമായി തിരഞ്ഞെടുക്കപ്പെട്ടു. മുംബൈയുടെ രണ്ടാമിന്നിങ്സിൽ മുഷീര്‍ ഖാന്റെ (136 ) റെക്കോഡ് സെഞ്ചുറി പ്രകടനം വഴി മുംബൈ 418 റണ്‍സാണ് നേടിയിരുന്നു.

𝐂𝐞𝐧𝐭𝐮𝐫𝐢𝐨𝐧 𝐚𝐭 𝐭𝐡𝐞 𝐆𝐫𝐚𝐧𝐝 𝐒𝐭𝐚𝐠𝐞 👏✨
𝙈𝙪𝙨𝙝𝙚𝙚𝙧 𝙆𝙝𝙖𝙣’s splendid century in the #RanjiTrophy Final is a testament to his class and composure 🙌#MCA #Mumbai #Cricket #TeamIndia #Wankhede #BCCI #MusheerKhan pic.twitter.com/OhqVGhj6U1
— Mumbai Cricket Association (MCA) (@MumbaiCricAssoc) March 12, 2024

രഹാനെ (73), ശ്രേയസ് അയ്യർ (95), ഷംസ് മുലാനി (50) എന്നിവരുടെ ഇന്നിങ്സുകളും മുംബൈയ്ക്ക് കൂറ്റൻ ലീഡ് സമ്മാനിച്ചു. ആദ്യ ഇന്നിങ്സിൽ ബാറ്റിങ് തകർച്ച നേരിട്ടപ്പോൾ 75 റൺസുമായി സ്കോർ 200 കടത്തിയ ഷർദ്ദുൽ താക്കൂറിന്റെ ഇന്നിങ്സും നിർണായകമായിരുന്നു. അവസാന വിക്കറ്റ് നേടി മുംബൈയെ കിരീടത്തിലേക്ക് നിയമ ധവാൽ കുൽക്കർണി ആഭ്യന്തര ക്രിക്കറ്റിൽ നിന്ന് അർഹിച്ച വിരമിക്കൽ നേടുകയും ചെയ്തു.

🏆 That exhilarating moment of victory when we clinched our 42nd #RanjiTrophy title 🥳❤️#MCA #Mumbai #Wankhede #BCCI #Champions #RanjiTrophyFinal #Final #MUMvVID pic.twitter.com/bU3kBzYPE6
— Mumbai Cricket Association (MCA) (@MumbaiCricAssoc) March 14, 2024