ക്രിക്കറ്റ് ആരാധകർക്ക് വീണ്ടും സന്തോഷ വാർത്തയുമായി ഹോട്ട്സ്റ്റാർ ഇന്ത്യ. ജൂണിൽ നടക്കുന്ന ടി20 ലോകകപ്പിലെ എല്ലാ മത്സരങ്ങളും ഹോട്ട്സ്റ്റാറിൽ സൗജന്യമായി കാണാമെന്ന് കമ്പനി അറിയിച്ചു. ഡിസ്നി ഹോട്ട്സ്റ്റാർ സമൂഹമാധ്യമങ്ങളിൽ പങ്കുവെച്ച പ്രമോ വീഡിയോയിലാണ് ഇക്കാര്യം സ്ഥിരീകരിച്ചത്.
ജൂൺ ഒന്ന് മുതലാണ് ടി20 ലോകകപ്പിന് തുടക്കമാകുന്നത്. ലോകകപ്പിൽ ജൂൺ അഞ്ചിന് അയർലൻഡിനെതിരെ ആണ് ഇന്ത്യയുടെ ആദ്യ മത്സരം. ജൂൺ ഒമ്പതിന് പാകിസ്ഥാനേയും 12ന് അമേരിക്കയേയും ഇന്ത്യ നേരിടും. ഏകദിന ലോകകപ്പിന് പിന്നാലെ രോഹിത് ശർമ്മ തന്നെയാണ് ടി20 ലോകകപ്പിലും ഇന്ത്യയെ നയിക്കുന്നത്.
മാസങ്ങൾക്ക് മുമ്പ് നടന്ന ഏകദിന ലോകകപ്പിലും ഏഷ്യാ കപ്പിലും ഹോട്ട്സ്റ്റാർ സൗജന്യമായി മത്സരങ്ങൾ സംപ്രേക്ഷണം ചെയ്തിരുന്നു. ചില മത്സരങ്ങൾ അഞ്ച് കോടിയലധികം പേർ തത്സമയം കണ്ടിരുന്നു. ഈ ട്രെൻഡ് ടി20 ലോകകപ്പിലും നേട്ടം ആവർത്തിക്കാമെന്ന പ്രതീക്ഷയിലാണ് ഹോട്ട്സ്റ്റാർ.
Iss June kuch ‘Out Of This World’ sa aane wala hai. Taiyaar ho na?
Watch it for Free only on #DisneyplusHotstar app! #T20WorldCup #100DTG #Cricket #TeamIndia pic.twitter.com/BGYlqFzCo0
— Disney+ Hotstar (@DisneyPlusHS) March 4, 2024
സ്വാഭാവികമായും ഇന്ത്യയുടെ മത്സരങ്ങൾക്ക് റെക്കോർഡ് കാഴ്ചക്കാരെയാണ് ലഭിക്കാറുള്ളത്. ഇന്ത്യ-പാകിസ്ഥാൻ മത്സരങ്ങൾ ഇതിൽ എല്ലാ വർഷവും കൂടുതൽ കാഴ്ചക്കാരുമായി മുന്നേറുക പതിവാണ്.
Read More
- സഞ്ജു സിംപിളാ; യാസീനൊപ്പം ക്രിക്കറ്റ് കളിച്ച് സൂപ്പർതാരം, വീഡിയോ
- യാസീന്റെ ആഗ്രഹം സഫലമാകുന്നു; വീഡിയോ കോളിലൂടെ ഞെട്ടിച്ച് സഞ്ജു സാംസൺ
- ബി.സി.സി.ഐയുടെ നിർദ്ദേശങ്ങൾക്ക് പുല്ലുവില; ഈ മുംബൈ താരം ഇതെന്ത് ഭാവിച്ചാ?
- ‘ബൂം ബൂം ബുമ്ര’ തിരിച്ചെത്തും; അഞ്ചാം ടെസ്റ്റിൽ യുവതാരത്തെ പുറത്താക്കും
