ഇന്ത്യന്‍ ക്രിക്കറ്റ് താരവും രാജസ്ഥാൻ റോയൽസിന്റെ സ്റ്റാർ പേസ് ബൗളറുമായ നവ്ദീപ് സൈനി വിവാഹിതനായി. ദീര്‍ഘകാല കാമുകിയായ സ്വാതി അസ്താനെയാണ് യുവതാരം വിവാഹം ചെയ്തത്. ഇരുവരും വിവാഹത്തിന്റെ ചിത്രങ്ങള്‍ ഇന്‍സ്റ്റഗ്രാമില്‍ പങ്കുവച്ചിട്ടുണ്ട്. അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങിൽ പങ്കെടുത്തത്.
പ്രശസ്തയായ ഇന്‍സ്റ്റഗ്രാം ഇന്‍ഫ്‌ളുവന്‍സറും, ട്രാവല്‍-ലൈഫ്‌ സ്റ്റൈല്‍ വ്‌ളോഗറുമാണ് സ്വാതി അസ്താന. കാമുകിയുമായുള്ള ചിത്രങ്ങള്‍ നേരത്തെയും സൈനി സോഷ്യല്‍ മീഡിയയില്‍ പങ്കുവച്ചിട്ടുണ്ട്. ഇന്ത്യൻ ടീമിലെ സുഹൃത്തുക്കളായ മുഹമ്മദ് സിറാജ്, യുസ്‌വേന്ദ്ര ചഹൽ, ദേവ്ദത്ത് പടിക്കൽ, ഉമ്രാൻ മാലിക്ക്, രാഹുൽ തേവാട്ടിയ എന്നിവരടക്കമുള്ള ഇന്ത്യൻ താരങ്ങൾ നവദമ്പതികൾക്ക് ആശംസകൾ അറിയിച്ചിട്ടുണ്ട്.
ഇതിനോടകം തന്നെ ഇന്ത്യയ്ക്കായി മൂന്ന് ഫോര്‍മാറ്റുകളിലും അരങ്ങേറിയ സൈനി, ഐപിഎല്ലില്‍ സഞ്ജു സാംസൺ നയിക്കുന്ന രാജസ്ഥാന്‍ റോയല്‍സിന്റെ താരമാണ്. ടി20യില്‍ വിന്‍ഡീസിനെതിരെ ആയിരുന്നു അന്താരാഷ്‌ട്ര ക്രിക്കറ്റിലേക്കുള്ള താരത്തിന്റെ അരങ്ങേറ്റം.
രണ്ട് ടെസ്റ്റും 8 ഏകദിനങ്ങളും 11 ടി20 മാച്ചുകളും കളിച്ച താരം ഇതുവരെ 23 വിക്കറ്റുകൾ നേടിയിട്ടുണ്ട്. 140 കിലോ മീറ്ററിന് മുകളില്‍ പന്തെറിയാന്‍ സാധിക്കുന്ന ചുരുക്കം ഇന്ത്യന്‍ താരങ്ങളില്‍ ഒരാളാണ് നവ്ദീപ്.
Read More Sports Stories Here
- സഞ്ജു സാംസണെ തഴയുന്നതെന്തിനാണ്; സെലക്ടർമാരെ പൊരിച്ച് ശശി തരൂർ
- ക്രിക്കറ്റിൽ പുതിയ നിയമം വരുന്നു; എന്താണ് ‘സ്റ്റോപ്പ് ക്ലോക്ക്’?
- ഗ്യാലറിയിൽ ഏറ്റുമുട്ടി ബ്രസീൽ-അർജന്റീന ഫാൻസ്; കൂളാക്കാൻ ഇടപെട്ട് മെസ്സിയും സഹതാരങ്ങളും, വീഡിയോ
- ലക്ഷ്യം വരാനിരിക്കുന്ന ടി20 ലോകകപ്പ്; കണക്കു തീർക്കാൻ ഇന്ത്യ ഇന്ന് ഓസ്ട്രേലിയയെ നേരിടും
- സഞ്ജു സാംസൺ ഇരൂനൂറ് ശതമാനം ഇന്ത്യൻ ടീമിന്റെ പദ്ധതികളുടെ ഭാഗമെന്ന് ചീഫ് സെലക്ടർ
